Zenfone Max Pro M2 Aur Max M2 Ke Specs Leak, Triple Rear Camera Ke Saath Aa Sakta Hai Ek Smartphone

Zenfone Max Pro M1 ki success ke baad, ASUS Max Pro M2 par kaam kar raha hai. Ye baat hum yun hi nahin keh rahe hain. Famous Leakster Roland Quandt ke Twitter account par kiye gaye post se ye saaf ho jaata hai, ki early 2019 mein Zenfone Max Pro M1 ka successor, yaani ki Pro M2 launch kiya jaa sakta hai.

Aaiye is khabar ko aapko thoda detail se bataate hain.

Roland Quandt ka jo tweet neeche aap dekh rahe hain uske according, ASUS in smartphones ke two models launch kar sakta hai – Zenfone Max Pro M2 aur Zenfone Max M2. Ye smartphones ZB631KL, ZB633KL, ZB634KL aur ZB632KL models numbers ke saath aayenge.

ZB631KL, jo ki Zenfone Max Pro M2 ka model number hai, mein 6 inch ki full HD+ display, Octa Core Snapdragon 660 chipset, 4GB ki RAM aur 64GB / 128GB ke internal memory options aayenge. Wahin kaha jaa raha hai ki iska front camera 13 MP ka hoga aur triple rear cameras aayenge.

ZB633KL (Zenfone Max M2), dual rear cameras aur Octa Core Qualcomm Snapdragon 636 chipset ke saath aayega. Ismein 4GB RAM ke saath aapko 32GB aur 64GB inbuilt storage variants mil sakte hain. Wahin other specs Max Pro M2 se similar hone ki ummid hai.

Iske alawa ZB634KL aur ZB632KL models numbers, Roland Quandt ke tweet ke according, India specific variants ho sakte hain. Yaani ki Zenfone Max Pro M2 aur Max M2 ko India mein in do models numbers ke saath launch kiya jaa sakta hai.

In dono smartphones ko lekar ab news banni start to ho gayi hain, lekin ye kitni sahi prove hoti hain, ye to aane waale waqt mein hi pata chalega, jise jaane ke liye aap hamaari news padhte rahiye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: