Youtube Premium & Youtube Music Premium Launched in India; Check Here To Know About Subscription Plans

Abhi kuch samay  pehle hi US ka popular music streaming platform Spotify India mein launch kiya gaya hai. Iske baad ab Google ne bhi aaj Youtube ki premium service Youtube premium aur Youtube Music Premium ko India mein announce kar diya hai. Youtube Music mein aapko contents, ads ke saath dekhne ko milte hain, wahin Youtube Music Premium mein aapko ad free content diya jaayega.

 

 

Youtube Music aur Music Premium ko last year 17 countries mein launch kiya gaya tha. Youtube Music ek free app service hai lekin Youtube Music Premium ke liye aapko per month Rs 99 pay karne honge. Agar aap iska family plan lena chahte hain to aapko Rs 149 pay karne honge jismein iss app ko 6 users use kar paayenge. Youtube Music premium ko aap back ground app ki tarah bhi use kar sakte hain, chat ya message ke time yeh app background mein music play karti rahegi. Shuruaat mein company Youtube Music Premium 3 months ke liye free de rahi hai.

Youtube Music Premium mein aap music ko offline download bhi kar sakte hain lekin iske liye aapko monthly pay karna hoga.  Company ne iske alawa Youtube Premium bhi launch kiya hai, yeh bhi ek paid service hai. Iss service ke liye aapko Rs 129 per month pay karna hoga. Iss subscription plan ko lene par aapko ad free content dekhne ko milega saath hi aap Youtube Original content ko bhi dekh sakenge. Youtube Premium Subscription plan mein Youtube Music Premium bhi included hai.

 

 

Iss premium service ko lene ke kaafi benefits hain. Subscription plan hone par aap kaafi  saare live shows, pod casts, videos aur audios ko mazaa le paayenge. Saath hi ismein aapko numbers of curated playlist milti hai jo ki har tarah ke mood ke liye organize ki gayi hai.

India mein kaafi tarah ke languages boli jaati hain jahan har languages ka apna alag music hota hai. Youtube ki iss premium service mein aap languages wise bhi audio, video ko choose kar sakte ho. India mein Jio Saavan, Amazon Prime Music, Spotify jaisi music streaming platform already available hain. Lekin inn sabhi platform ke liye Youtube Music Premium ek tough competitor saabit ho sakta hai. Haalanki yeh hum sabhi jaante hain ki Youtube ka use inn sabhi apps se jyada kiya jaata hai. Samsung Galaxy S10 ke users ko company 4 months ke liye free Youtube Premium service de rahi hai, ismein Music Premium ka access bhi unhe free milega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: