Ye Smartphones Hain Aaj Launch Huye Moto G6 Ke Best Alternatives

Aaj Moto ne apni nayi G6 series India mein launch ki hai, jismein Moto G6 company ka lower mid-range mein aane waala smartphone hai jiski kimat 13,999 INR se start hain. Moto G6 mein 12 + 5 MP ka dual rear caera setup hai, 3000mAh ki battery, snapdragon 450 chipset and 16 MP ka front camera diya gaya hai.

G6 mein 5.7-inch ki FHD+ display hai aur 3GB / 4GB RAM hai. Lekin pichle 1-2 months mein isi price range mein aur bhi smartphones launch huye hain jinki kimat lagbhag itni hi hain aur wo Moto G6 ke behtar alternative saabit ho sakte hain.

Xiaomi Redmi Note 5 Pro

February ke mahine mein isi saal launch hua Xiaomi ka Redmi Note 5 Pro, Moto ka behtar alternative hai. Ismein bhi aapko full HD+ display milti hai, lekin size bigger hai (5.99 inch). Moto G6 ke comparison mein ismein behtar processor diya gaya hai, jo ki Snapdragon 630 hai. Rear panel par ismein bhi 12 + 5 MP ka hi camera setup hai, lekin front par 20 MP ka sensor diya gaya hai jo ki selfie flash ke saath aayega. Iski battery capacity bhi 4000mAh hai aur kimat sirf 14,999 INR.

Oppo RealMe 1

Oppo ki nayi affordable online brand Realme ke under aya Realme 1 bhi Moto G6 ka achha competitor hai. Sabse pehli baat ismein aapko isi range mein 6GB ki RAM aur 128GB ki storage milti hai. Iske camera mein aapko AI support milta hai jo ki Moto G6 mein nahin hai. Halaanki iske rear par kewal 13 MP ka single camera hai aur 8 MP frontal sensor diya gaya hai. Lekin ismein G6 ke mukaable kaafi powerful MediaTek Helio P60 processor hai. Iski display 6-inch ki full HD display hai aur kimat sirf 13,990 INR hai. Ye bhi ek Amazon exclusive hi hai.

Samsung Galaxy J6

Samsung ka haal hi mein launch hua Galaxy J6 bhi Moto G6 ka competitor ban chuka hai aur iski kimat 13,990 INR hai. Ismein bhi G6 ki tarah aapko is price par 3GB RAM aur 32GB storage option milega. Iski display 5.6 inch ki hai jo HD resolution ke saath aayegi. Iske alawa ismein 13 MP rear aur 8 MP front camera hai. Ismein Exynos 7870 processor hai aur Moto G6 ke similar battery 3000mah ki di gayi hai.

Nokia 5.1

Nokia 5.1 jo pichle mahine Moscow mein launch kiya gaya hai wo ek behad achha alternative hai Moto G6 ka. Ye smartphone isi month mein India mein 12,499 INR ki kimat par launch hoga. Ismein 5.5 inch ki FHD+ display, Corning Gorilla Glass protection ke saath di gayi hai. Ismein MediaTeK Helio P18 chipset, jo ki Moto G6 ke mukaable kaafi behtar hai, saath hi 2GB / 3GB RAM aur 16GB / 32GB internal memory ke saath moujood hoga. Ismein bhi 3000mAh ki battery hai, 16 MP ka rear camera aur 8 MP ka front camera hai. Saath hi ye Android 8.0 Oreo ke saath aayega aur Android P ke liye upgradeable hai.

Zenfone Max Pro M1

Haal hi mein ASUS ne India mein apna smartphone stock Android ke saath launch kiya hai jiska naam Zenfone Max Pro M1 hai aur iski kimat 14,999 INR hai. Is kimat mein aapko 5.99 inch ki full HD+ display jo ki kaafi behtar hai, 13 + 5 MP ka dual rear camera setup aur 5000mAh ki juicy battery milti hai. Ismein Octa Core Qualcomm Snapdragon 636 processor hai, jo ki Moto G6 ke mukaable kahin behtar hai. Ismein bhi aapko is kimat mein company 6GB ki RAM aur 64GB ki storage offer kar rahi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: