Ye Hoga Next POCO Phone ka Naam, Company Ne Announce Ki Launch Date

Twitter par POCO ke upcoming phones ke teasers dene ke baad aaj company ne is handset ke naam ko bhi confirm kar diya hai, saath hi India launch date bhi announce kar di hai. Saath hi kuch naye teasers mein is handset ke powerful specs ka bhi hint moujood hai.

POCO India ne ye confirm kar diya hai ki is handset ko Poco X2 naam ke saath launch kiya jayega aur iske liye company 4th February, 2020 ko ek media event host karegi.

New teaser jo ki neeche diya gaya hai, ismein likha hai, ‘extreme refresh rate’ yaani ki is handset ki display 120Hz refresh rate ke saath aa sakti hai. Iske alawa yahaan likha gaya hai, “Been There, Shot That?”, “Redefine Power, Redefine the game”, “Juiced Up, Ready To Go.” In sabhi ye lagta hai ki phone mein Sony IMX686 sensor, Snapdragon ka latest chipset aur liquid cooling system hoga.

Is teaser ne aur bhi kuch features confirm kiye hain, jinmein rear mounted fingerprint scanner, pop-up selfie camera, USB Type-C port, bottom edge par audio jack, shaamil hain.

In sabke alawa coming week mein POCO X2 ke aur leaks expected hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: