Ye Hain Top 5 World’s Largest Smartphone Brands Ke Naam; Samsung Ko Mili Top Position

Counterpoint Technology Market Research platform ne smartphone market ko le kar ek report jaari ki hai jismein iss saal ke first quarter mein top 10 ki list mein aane wale smartphones ko show kiya gaya hai. Saath hi yeh bhi bataya gaya hai ki kis company ne kitna growth aur kitna shrink kiya hai. Agar hum sabse jyada smartphone sale karne wali company ki baat karte hain to Samsung ne iss list mein top kiya hai lekin iss ke bawjood bhi company growth ke saath aage nahi bhad paayi hai. Growth ratio mein iss baar top par Huawei hai jisne last year ke compare mein 50% jyada market expand kiya hai.

Image Credit: Counterpoint Technology Market Research

 

Counterpoint dwara release ki gayi reports ko aap upar dekh sakte hain. List ko short kar ke agar hum sirf top 5 smartphone brands ki baat karein to ismein Samsung, Huawei, Apple, Xiaomi aur Oppo shaamil hote hai. Yeh report global market sale ke basis par banayi gayi hai. Upar dikhai de rahe  data mein yeh bhi bataya gaya hai ki kis company ne kitni Million smartphone units ko sale kiya hai. Saath hi last year (2018) ke first quarter ke compare mein iss saal ke first quarter mein kitni growth ya shrink ko record kiya gaya hai.

Samsung ne last year first quarter mein 78.2 Million units ko sale kiya tha wahin iske opposite iss saal company ne first quarter mein 72.0 Million units smartphone ko sale kiya hai. Iss list mein second number par aane wali company Huawei ne last year (2018) ke Q1 mein 39.3 Million units ko sale kiya tha. Iss saal 2019 ke first quarter mein company ne lagbhag double units ko sale kiya hai jo ki 59.1 Million units batayi gayi hai. Company ki growth par CounterPoint researcher Shobit Shrivastav ne bataya ki Huawei ko apne sub-brand Honor ka bhi benefits mila hai. Jiske under mein company ne kaafi affordable aur budget range ke phones ko launch kiya tha. Saath hi company ne new technology jaise reverse wireless charging, On-board AI, advance camera features ko sabse pehle introduce kiya hai.

Iske alawa Counterpoint Technology Market Research ne yeh bhi bataya ki kis company ka market mein abhi kya share chal raha hai. Samsung iss samay smartphone industry ka 21% share cover kiye huye hai wahin Huawei  ne 17% market ko apne hisse mein liya hai. Iske baad Apple ke hisse 12% market share, Xiaomi aur Oppo ke pass 8-8% market share bana hua hai. Top 10 ki list mein growth rate ke saath saamne aane wali companies mein Huawei ke alawa Oppo aur Vivo company ka naam include hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: