Ye Hai Samsung Ka Naya Rugged Phone Galaxy XCover FieldPro – Details Yahaan Check Karein

Samsung ne apne rugged devices mein ek aur device add kiya hai. Company ne haal hi mein Galaxy XCover FieldPro rugged phone koannounce kiya hai aur ‘Pro’ moniker ke saath aane waala ye Samsung ka first rugged phone hai. Well, ye phone premium hone ki wajah se Pro naam ke saath nahin aa raha, balki ye government / professional agents, technicians aur first responders ke liye banaaya gaya hai.

Galaxy XCover FieldPro ko 21 rigorous tests paas karne ke baad MIL-STD-810G (military grade) certification mila hai. Saath hi IP68 certified yaani ki waterproof bhi hai, ye handset 5 feet water mein half hour tak survive kar sakta hai. Iske alawa accidental damage, drops, extreme temperature, shocks, mein bhi survive kar sakta hai.

Iske alawa Galaxy XCover FieldPro Samsung Knox security platform ke saath aata hai aur federal government ke dwara bhi certified hai.

Ab agar specs ki baat karein to is rugged phone mein 5.1 inch ki QHD display hai aur power den eke liye yahaan (4 cores x 2.7GHz + 4 cores x 1.7GHz) Octa-core Samsung Exynos 9810 processor moujood hai. Is handset mein 4GB ki RAM aur 64GB ki inbuilt memory hai, ise aap microSD card ke saath 512GB tak expand kar sakte hain.

Phone mein rear panel par ek triple LED flash ke saath 12MP ka auto focus rear camera hai aur front par 8 MP ka selfie shooter moujood hai. Ye handset filhaal Android 9.0 Pie OS par chalega aur future mein aapko ismein Android 10 update jaldi hi milega. Iske alawa non-removable 4500mAh ki battery fit ki gayi hai.

Galaxy XCover FieldPro mein ek push-to-talk connectivity aur emergency ke liye ismein ek dedicated button bhi hai, jo ki thick gloves, tez raining ke dauraan bhi apna kaam acche se karti hai aur location data ko emergency contacts par send karti hai.

Key Specifications of Samsung Galaxy XCover FieldPro:

Model Samsung Galaxy XCover FieldPro
Display 5.1-inch Quad HD 16:9 display
Processor (4 cores x 2.7GHz + 4 cores x 1.7GHz) Octa-core Samsung Exynos 9810 processor
RAM 4GB
Storage 64GB storage (expandable, up to 512GB)
Battery 4100mAh, 18W fast charger
Camera 12MP auto focus rear camera (dual aperture)
Front Camera 8MP front camera
Software Android 9.0 Pie OS
Price To Be announced

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: