Ye Hai Reliance Jio ka Welcome Offer, Jismein Company De Rahi Hai FREE HD TV Or 4K TV

Reliance Jio ki 42nd Annual General Meeting (AGM) aaj, Mumbai mein hui hai aur ismein kaafi saari important announcements bhi hui, jinka sabhi ko intezaar tha. Ismein sabse khaas raha, Jio ka welcome offer, jismein company apne consumers ko free 4K / HD TV aur set-top offer kar rahi hai.

Kya Hai Jio Welcome Offer?

Aaiye aapko bataate hain ki aakhir Jio ka Welcome Offer hai kya. Is offer mein jo bhi consumer Jio Forever Plans ke liye register karta hai, use Jio ki taraf se free HD TV ke saath free set-top box bhi offer kiya jayega. ‘Jio Forever Plans’ yearly plans honge jinki tariff details September 5 ko announce kiye jayenge.

Jio Forever Plans mein broadband connection, premium content apps ka subscription, TV, set-top box aur landline connection bhi shaamil hoga. Saath hi Jio ke is set-top box connection par aap apne local cable operators se bhi plans lekar content enjoy kar sakte hain.

Jio aapko 100Mbps se 1 Gbps tak ki data speed offer kar raha hai. In plans ki starting price 700 INR per month se lekar 10,000 INR pr month tak jaa sakti hain. Yaani ki lagbhag 8,500 INR yearly subscription lene par aapko TV free mil sakti hai. Halaanki company ne ye confirm nahin kiya hai ki Jio Phone ki tarah, is par bhi koi security deposit amount hai ya nahin.

Jio Forever Plan ka ye free TV offer kaafi attractive hai, lekin iski complete details aur terms & conditions humein September 5 ko hi mil payengi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: