Xiaomi Ka Next Gaming Smartphone- Black Shark 2: Jaldi Hi Ho Sakta Hai International Launch

Xiaomi ka gaming smartphone Black Shark kaafi successful raha aur Xiaomi ne kuch months pehle announce kiya tha ki wah apne next gaming phone Black shark ke successor ko jaldi hi launch kar sakta hai. Aaj Black Shark ki official website global.blackshark.com par bhi, show ho rahe notification mein yeh bataya gaya hai ki jaldi hi Black Shark ke successor phone Black Shark 2 ko globally unveil kiya jaayega.

 

Show ho rahe iss notification mein users ko unki email address fill karne ke liye ek option pop-up hota hai, jis mein apne email address ko fill kar ke, wo Black Shark 2 phone ki availability ke liye update paa sakte hain.

Iss update mein good news yeh hai ki yeh phone sirf China mein launch na ho kar globally launch kiya jaaega . Last time sirf China mein launch hone ki wajah se yeh gaming smartphone sabhi gamers ke liye, jo ise purchase karna chahte the, available nahi ho paya tha. Jo ki Xiaomi fans ke liye thoda disappointing raha.

Chinese certification website ki according yeh phone Black Shark ki tarah hi 5.99 inch ki Full HD+ full vision display ke sath launch kiya jaa sakta hai. Lekin iske design mein thode improvements honge, ye thoda slim, light weight aur compact look ke saath market mein aa sakta hai. Hardware ki baat ki jaaye to expect kiya jaa raha hai yeh phone Qualcomm Snapdragon 845 SoC aur Adreno 630 GPU ke sath hi global market mein aayega.

Gaming performance ko enhance karne aur heating issues se ise prevent karne ke liye liquid cooling technology ho sakti hai. jo aapko ek behtar gaming experience degi.

Market mein abhi tak iska competitor Razer phone tha. 11 October ko Razer phone ke successor Razer Phone 2 ko already launch kar diya gaya hai aur saath hi ASUS ka Rog Phone bhi moujood hai. Ab dekhna yeh hai ki Xiaomi ka ye gaming smartphone market mein kab launch hota hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: