Xioami Ke CEO Ne Share Kiya Mi Smartwatch Ka First Look

Kal hi humne aapko bataya tha ki Xioami jaldi hi apne 108MP camera wale smartphone Xiaomi Mi CC9 Pro ko launch karnme wala hai. Issi ke saath company apni smartwatch ko bhi introduce karegi. Aaj iss smartwatch ki ka first look ko company ke CEO Lei Jun ne share kiya hai, jismein yeh smartwatch Black aur Silver color mein dikhai de rahi hai.

Post ki gayi picture mein smartwatch ka poora design aur look reveal kiya gaya hai. Xiaomi Mi Smartwatch ka look Apple watch ki tarah hi dikhai de raha hai. Rumors ki according watch mein AMOLED screen di jaa sakti hai. Saath hi smartwatch ki display mein 3D curved glass dikhai de raha hai. Smartwatch ki internal mechanism ki photo ko bhi Weibo account par share kiya gaya hai. Jismein yeh clearly visible ho raha hai ki iss smartwatch mein humein NFC, Wi-Fi, GPS ka support diya jaayega. Iske alawa iss watch mein aapko cellular variant ke saath saath eSIM ka support bhi dekhne ko milega.

Promo image mein yeh bhi mention kiya gaya hai ki phone mein Qaulcomm Snapdragon Wear 3100 SOC dekhne ko milega. Haalanki abhi tak yeh mention nahi kiya gaya hai ki iss smartwatch mein company kaun se wear OS ka use karegi.

Inn sabhi specs ke saath yeh smartwatch next month 5th November ko launch ki jaayegi. Issi ke saath company Mi TV 5 ko bhi announce karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: