Xiaomi Black Shark 2 Jaldi Hi Hoga India Mein Launch, Company Ne Announce Ki Launch Date

India mein gaming phones kaafi limited numbers aur brands mein available hain lekin ab iss list mein Xiaomi ke Black Shark 2 ka naam bhi jaldi hi add hone jaa raha hai. Iss phone ko company ne China mein March 2019 mein launch kiya tha ab Xiaomi ise 27th May ko India mein announce karne jaa rahi hai. Iss se pehle bhi Xiaomi ne Black Shark ke first generation smartphone ko bhi launch kiya tha lekin wah smartphone India mein announce nahi kiya gaya tha.

 

Black shark 2 Xiaomi ke premium handsets mein se ek hai jo ki kaafi high-end specs ke saath aata hai. Company ki taraf se India mein launch hone wala yeh pehla gaming smartphone hoga jiska seedha competition Asus ROG Phone  aur Nubia Red Magic 3 se hoga.

 

Iss phone ke China variant mein company ne 6.39 inch ki super AMOLED full HD+ display di thi. Phone ke rear panel par dual camera setup diya gaya hai jo ki 48MP+ 12MP  lens ke saath aata hai. Saath hi front facing camera 20MP ka milta hai. Behtar gaming performance ke liye iss phone mein Qualcomm Snapdragon 855 processor ko use kiya gaya hai.  Saath hi iss phone mein 4000mAh ki battery milti hai jo ki 27W ki fast charging support ke saath aati hai.

 

China mein iss phone ko 6GB RAM ke saath 128GB storage aur 12GB RAM ke saath 256GB  storage mein launch kiya gaya tha. Black Shark 2 ke 6GB/128GB variant ki keemat CNY 3,200 (~Rs 33,000) aur 12GB/256GB variant ki keemat CNY4,200 (~Rs 43,000) rakhi gayi thi. 27th May ko India mein Launch hone ke baad iss phone ki final Indian market price humein pata chalegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: