Xiaomi VP Manu Kumar Jain Ne Samsung Galaxy M10 & M20 Ke Launch Par Stage Par Bloggers Ko Dekh Kiya Karaara Tweet; Aur Jaaniye Phir Kya Hua  

Samsung ne haal hi mein India mein apni budget series launch ki hai, jismein Galaxy M10 aur M20, Infinity-V display ke saath nazar aaye hain. In smartphones ke saath Samsung budget smartphones launch karne waale smartphone makers, Xiaomi aur Realme ko achhi takkar dene ke liye taiyaar hai. Lekin aise mein kal ke launch ko lekar Xioami VP ne jab Tweet kiya to dekhiye ki kya hua.

Samsung ne Galaxy M10 aur M20 ke launch par, famous tech blogger  ko stage par invite kiya jahaan wo Samsung ke in budget smartphones ko haathon mein liye nazar aaye. Aise mein is nazaare ko dekh Xiaomi India ke MD Manu Kumar Jain ne iske against Tweet kiya.

Halaanki unhone kisi ka naam nahin liya aur tech bloggers par ye kehkar nishaana saadha ki “Product launch ke mauke par tech bloggers ko stage par uske bare mein sirf achhi baatein kehte dekh wo hairaan hain. Unhone ye bhi kaha ki tech blogger shayad aisa kuch monetary payment lekar kehte hain. Lekin as a reviewer, users aap yaani ki tech bloggers par product ke baare mein honest aur open advice jaanne ke liye depend karte hain. Aise mein is media ko, ek unbiased yaani ki nishpaksh media kaise kaha jaa sakta hai?”

Xiaomi VP Manu Kumar Jain ke is Tweet par hazaaron retweet bhi aaye aur kuch iske favour mein rahe jabki kuch against bolte dikhaayi diye. Lekin aisa pehli baar nahin hua hai, jab koi blogger stage par nazar aaya ho. Isse pehle bhi ho chuka hai, lekin is par Xiaomi jaisi kisi badi company ne, sawaal pehli baar uthaaya hai.

Aapko aise mein kya lagta hai ?

Kya is Tweet ka reason ye hai ki, Samsung ab budget market mein enter ho rahi hai, jisse Xiaomi ka competition badh raha hai, isiliye Xiaomi ki taraf se aisa comment aaya, yaa waakyi mein ye aapke according galat hai.

 

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: