Xiaomi Ne Bheje Invites; 7 June Ko India Mein Launch Hoga Naya Smartphone, Redmi Y2 Expected

Xiaomi fans ke liye ek aur good news ye hai ki company aane waale mahine mein yaani ki June 7 ko India mein apna naya smartphone launch karne jaa rahi hai. Halaanki is handset ka naam abhi tak reveal nahin kiya gaya hai, lekin rumors kehte hai ki company Redmi S2 ko Redmi Y2 naam se India mein lane waali hai.

Ye media launch event New Delhi mein hoga jisko lekar company ne pehle bhi ek teaser out kiya tha jismein likha tha “The #RealYou Smartphone Is Coming” aur ismein Y ko highlight kiya gaya tha. Isi adhaar par ye expect kiya jaa raha hai ki company ab Redmi Y1 ka successor lane ki taiyaari mein hai.

Aaj aaye invite mein smartphone ka koi particular hint nahin hai lekin ek camera lens aur uski ke saath human face ke sketch ki tasveer dikh rahi hai, jo face unlock feature ki taraf ishara karti hai. Saath hi ummid ye bhi hai ki ye ek AI enabled camera phone hoga.

Agar company 10 May ko China mein launch huye Redmi S2 ko hi Redmi Y2 ke naam ke saath lekar aati hai to iski kimat 10,000 se 15,000 INR ke beech hogi. Ismein 3GB RAM + 32GB ROM aur 4GB RAM + 64GB inbuilt memory variants launch kiye jaa sakte hain.

Iske alawa iske detailed specs par phir se ek nazar daalein to ye smartphone 12 + 5 MP dual rear camera setup ke saath aata hai jismein AI enabled portrait mode, face unlock feature, phase detection auto focus aur LED flash light jaise features diya gaye hain. Android 8.0 Oreo par chalne waale is smartphone mein 16 MP ka front camera hai aur usmein bhi AI bokeh effect aur AI smart beauty jaise features moujood hain.

Redmi S2 mein 5.99 inch ki HD+ display hai aur saath hi power dene ke liye Snapdragon 625 chipset diya gaya hai. Ismein 3080mAh ki battery hai aur ye ek dual SIM smartphone bhi hai.

Well, ummid hai ki launch ke nazdeek aate aate is smartphone ko lekar aur bhi kayi rumors aayenge jinmein humein iske baare mein aur jaankaari mil sakegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: