Xiaomi Ne Confirm Kiya Coming Android One Smartphone, Mi A2 Ka Launch, Saath Hi Ek Aur Smartphone Hoga Launch

Xiaomi ne finally confirmation de di hai ki company ka next Android One Smartphone 24th of July ko launch hone jaa raha hai aur ye Mi A2 hi hai. Is smartphone ka launch event Madrid, Spain mein hi hoga. Saath hi ye bhi expected hai ki company iske saath A2 Lite bhi launch karegi.

Isi se related company ne apne Twitter account se ek post bhi daala hai jismein likha hai “Are you a big fan of #MiA1? You will love this…#Xiaomi #AndroidOne #2isbetterthan1.” Is tweet se ye baat saaf zaahir hai ki Mi A1 ka successor launch hone wala hai aur company ke according Mi A2, Mi A1 se kahin behtar hoga.

Jaisa ki aap jaante hi honge ki Mi A1 company ka pehla Android One smartphone tha, jise India mein kaafi jyada pasand bhi kiya gaya tha aur ye pichle saal China mein launch huye Mi 5X ka global version tha. Zaahir hai ki Mi A2 bhi Mi 6X ka global version ho sakta hai aur Mi A1 ki success ke baad logon ko isse kaafi jyada expectations bhi hain.

Isi ke saath iske specs ke baare mein baat karein to, company ne jo post share ki hai, uske according is smartphone mein side bezels nahin hain, halaanki ek thick top aur ek bottom bezel zaroor nazar aa rahe hain. Mi A2 mein 5.99-inch ki display hone ki ummid hai, jabki A2 Lite mein 5.84-inch ki display ho sakti hai. Iske alawa Mi A2 mein Snapdragon 660 chipset aayegi, jabki A2 Lite mein SD 625 processor hoga. Wahin Mi 6X ki tarah, Mi A2 mein 20 MP ka front camwra aayega aur battery capacity 3000mAh ki hogi.

Doosri taraf, Mi A2 Lite halaanki Mi A2 se cheaper hoga, lekin ismein 4000mAh ki battery aayegi aur iska front camera 5 MP ka hoga. Dono hi smartphones dual rear camera setup ke saath aayenge, jismein Mi A2 mein 12 + 20 MP ka setup hoga aur A2 Lite mein 12 + 5 MP ke dual rear cameras honge.

Iske alawa complete detailed features ke liye ab kewal kuch hi dinon ka intezaar aur karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: