Xiaomi Redmi Y2 Vs Realme 1 Comparison : Aap Kaunsa Choose Karenge ?

Xiaomi ne kal hi India mein apna naya smartphone Redmi Y2 launch kiya hai, jise company khud Oppo ke naye brand Realme ke pehle smartphone Realme 1 ka achha competitor bata rahi hai. Xiaomi ke smartphones is samay India mein sabse jyada demand mein hain aur aise mein Redmi Y2 jaisa budget selfie phone. Doosri taraf, Oppo dwara premium design aur affordable price par launch kiya gaya Realme 1. Halaanki dono smartphones apni apni jagah best hain, lekin behtar kaun saa hai, ye to detailed comparison ke baad aap khud hi samajh jaayenge.

Build Quality And Design

Realme 1 entry-level se mid-range segment tak ke smartphones mein comparatively best design ke saath aaya hai. Iska diamond cut pattern design dekhne mein kaafi attractive hai aur saath hi Red aur Silver colors mein bhi launch hua hai. Wahin Redmi Y2, Xiaomi ke pehle jaise same design ke saath launch kiye gaye hain. Halaanki ye good quality plastic se bane hain aur phir bhi rear panel par aapko metal finish milti hai, lekin utne attractive nahin hai.

Iske alawa dono mein display size same hai, lekin Realme 1 ka bottom bezel Redmi Y2 ke comparison mein slim hai aur display size same hone ke baawjood compact smartphone hai.

Saaf taur par kaha jaaye to, Realme 1 design ke maamle mein Redmi Y2 se aage hai.

Display

Realme 1 mein aapko 6-inch ki display milti hai aur Redmi Y2 mein 5.99 inch ki, kuch khaas size ka difference nahin hai, lekin Realme 1 mein full HD+ resolution hai, jabki Xiaomi ne is smartphone mein HD+ resolution hi diya gaya hai. Display colors and brightness dono hi aapko dono smartphones mein achhi milengi. Zaahir hai ki same price range mein full HD+ resolution hi log chunenge.

Hardware and Software

Realme 1 mein Octa Core Helio P60 processor milta hai, jabki Redmi Y2 mein Octa Core Snapdragon 625 diya gaya hai, jo ki Realme 1 ke mukaable mein peeche hai. Realme 1 ke performance ki baat karein to is processor ke saath ye smartphone aapko smooth aur fast performance deta hai, jabki Redmi Y2 ki performance itni achhi nahin hogi.

Redmi Y2 aur Realme 1 dono mein Android 8.1 Oreo OS hai, saath hi Redmi Y2 mein is par MIUI 9 interface hai jo ki aapko kaafi options provide karta hai aur Realme 1 mein Color OS hai, jiska performance utna better nahin hai.

Camera

Jaisa ki sabko pata hi hai, Redmi Y2 ek camera centric smartphone hai, ismein 12 + 5 MP ka dual rear camera setup, f/2.2 aperture, PDAF aur LED flash light ke saath diya gaya hai. Iske alawa ismein 16 MP ka front camera bhi LED flash light aur f/2.2 aperture ke saath moujood hai. Wahin Realme 1 mein aapko 13 MP ka rear camera aur 8 MP ka front camera milta hai. Dono mein hi LED flash aur bokeh effect jaise features bhi moujood hain.

Lekin ye on papers details hain, agar pictures ki baat karein to dono smartphones hi selfie achhi click karte hain. Redmi Y2 ki selfies mein aapko thodi jyada whiteness milti hai, lekin Realme 1 ki pictures natural hain. Iske alawa Redmi Y2 ka beautification mode, Realme 1 ke comparison mein achha result deta hai. Rear camera ke maamle mein dual cameras ke saath Redmi Y2 thoda better result deta hai.

Iske alawa dono front camera ke saath aapko face unlock feature bhi diya gaya hai, jismein Realme 1 fast response karta hai, jabki Y2 ka response bhi achha hai, lekin Realm eke mukaable thoda slow hai.

 

Storage

Redmi Y2 mein 3GB RAM + 32GB storage and 4GB RAM + 64GB internal memory options milte hain. Wahin Realme 1 mein in dono options ke alawa aapko 6GB RAM ke saath 128GB ROM variant bhi milta hai.

In dono smartphones mein dual nano SIM slots aur dedicated microSD card slot moujood hain jo 256GB tak ka card support karte hain.

Battery

Redmi Y2 mein 3080mAh ki battery hai, jabki Realme 1 ki battery capacity 3410mAh hai. Battery capacity mein koi khaas fark nahin hai aur dono hi smartphones mein fast charging support bhi nahin hai. Lekin Realme 1 ka processor fast aur power efficient hai, to Realme 1 aapko thoda jyada battery life de sakta hai.

Price and Availability

Y2 aur Realme 1 dono hi Amazon exclusive smartphones hain. Redmi Y2 ki first sale 12th of June ko hogi aur Realme 1 is samay bhi aapko aasaani se mil sakta hai.

Pricing details storage variants ke according kuch aisi hain –

  • Redmi Y2 3GB RAM + 32GB ROM – 9,999 INR
  • Redmi Y2 4GB RAM + 64GB ROM – 12,999 INR
  • Realme 1 3GB RAM + 32GB ROM – 8,990 INR
  • Realme 1 4GB RAM + 64GB ROM – 10,990 INR
  • Realme 1 6GB RAM + 128GB ROM – 13,990 INR
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: