Xiaomi Redmi Y2, 16MP Front Camera Aur Dual Rear Cameras Ke Saath 9,999 INR Mein Launch Hua

Xiaomi ne finally apna budget selfie smartphone Redmi Y2 aaj India mein ek event ke dauraan launch kiya. Ye Redmi S2 ka hi version hai jise India mein Redmi Y2 ke naam se launch kiya gaya hai. Is Amazon exclusive smartphone ko aap 12th of June se kharid sakte hain.

Redmi Y2, two storage variants mein available hai – 3GB RAM + 32GB ROM jiski kimat 9,999 INR hai aur 4GB RAM + 64GB internal memory jiski kimat 12,999 INR hai. Redmi Y2 ko Mi.com aur Mi Home stores se bhi kharida jaa sakta hai.

Saath hi is smartphone ke saath kuch launch offers bhi announce kiya gaye hain. Is smartphone ko kharidne par Airtel 4G users ko 1,800 INR ka cashback aur 240GB tak 4G data free milega. Iske alawa ICICI debit aur credit card holders ko 500 INR ka cashback.

Redmi Y2 mein 5.99 inch ki HD+ 2.5D curved glass display moujood hai aur ye 2.0 GHz Qualcomm Snapdragon 625 processor par chalta hai. Redmi Y2 mein MIUI 9 hai jo Android 8.1 Oreo software par based hai.

Is smartphone mein dual SIM slot aur dedicated microSD card slot moujood hai jo ki 256GB tak ka card accept karta hai. Saath hi ismein 16 MP ka front facing camera, f/2.0 aperture aur LED flash light ke saath diya gaya hai. Ismein rear panel par bhi 12 + 5 MP ka dual camera setup diya gaya hai, jo ki LED flash light, f/2.2 aperture aur PDAF jaise features ke saath aayenge.

Redmi Y2 mein 3080mAh ki in-built battery di gayi hai jismein fast charging nahin hai. Halaanki, IR blaster aur rear mounted fingerprint sensor jaise features bhi aapko yahaan mil jaate hain. Connectivity options include 4G VoLTE, Wi-Fi 802.11 a/b/g/n, Bluetooth 4.2, GPS / GLONASS, Micro USB port and 3.5mm audio jack.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: