Xiaomi Redmi Note 6 Pro Vs Realme 2 Pro Detailed Comparison: 15K Mein Kaun Sa Smartphone Choose Karenge Aap ?

Redmi Note 6 Pro, finally India mein launch ho chuka hai. Xiaomi ke smartphones ki jo cheez sabko pasand aati hai, wo hai competitive price mein powerful hardware aur isiliye Redmi Note 5 Pro, India mein itna jyada pasand kiya gaya. Saath hi Redmi Note 5 Pro ke kaaran Redmi Note 6 Pro se logon ki expectations bahut badh gayi thi. Lekin is baar company ne same chipset aur same design ke saath hi Redmi Note 6 Pro ko announce kiya. Yahaan par aapko jo naye features mile, wo hain notch display aur dual front cameras.

Aur yahi kaaran hai ki is price mein ab ye smartphone, logon ko itna pasand nahin aaya hai. Saath hi same price range mein launch huye Realme 2 Pro ko bhi Redmi Note 6 Pro se compare kiya jaa raha hai. Lekin kya aapko bhi lagta hai ki Realme 2 Pro, Redmi Note 6 Pro ke comparison mein behtar hai ?

Aaiye is sawaal ka jawaab, ek detailed comparison ke dwara jaanne ki koshish karte hain.

Design and Build Quality

Redmi Note 6 Pro ka design mein aapko kuch bhi naya nahin milta. Lokk wise se Redmi Note 5 Pro jaisa hi lagta hai, lekin front par notch diya gaya hai. Rear panel par bhi Redmi 6 Pro aur Mi A2 ki tarah hi dual rear cameras, left corner mein vertically set kiye gaye hain. Overall, Xiaomi ne is smartphone mein jo design diya hai, wo ab purana ho chuka hai.

Wahin Realme 2 Pro ki baat karein to, is smartphone mein front par 19:9 display aur waterdrop notch hai, wahin ye glass back ke saath ek premium look deta hai aur ismein dual rear cameras, horizontally fitted hai. Saath hi Realme 2 Pro mein aapko color options bhi behtar milte hain.

Display

Redmi Note 6 Pro mein 6.26 inch ki full HD+ display, 19:9 aspect ratio ke saath di gayi hai. Lekin jahaan ab dewdrop notches aa rahi hain, ya notches khatm hone waali hain, wahaan is smartphone mein Xiaomi ne kaafi badi notch di hai. Saath hi ismein jo aapko screen to body ratio milta hai, wo 81.1 percent hai. Realme 2 Pro mein aapko 6.3 inch ki full HD+ display ke saath 90.8 percent screen to body ratio milta hai. Ye bhi full HD+ display hi hai, jo waterdrop notch ke saath di gayi hai.

Hardware And Software

Realme 2 Pro, Qualcomm Snapdragon 660 chipset par chalta hai aur saath hi Adreno512 GPU hai. Wahin Redmi Note 6 Pro mein, Redmi Note 5 Pro wala processor hi company ne continue kiya hai, yaani ki Snapdragon 636. Zaahir hai ki, yahaan par Snapdragon 660 chipset ke saath aane wala phone hi aapko achhi performance dega.

Iske alawa software ki baat karein to dono hi smartphones mein Android 8.1 Oreo OS hai, lekin is par Xiaomi ka apna user interface MIUI 10 hai, jabki Realme 2 Pro mein aapko ColorOS 5.2 milta hai. Yahaan par agar ek stovk Android handset ki baat karein to wo jyada achha perform karta hai. Jabki ye dono hi handsets mein Android par heavy skins moujood hai, ab aapko kaun sa software pasand aata hai, wo aapki choice hai.

Camera

Dono hi smartphones mein dual rear cameras diye gaye hain. Realme 2 Pro mein 16+2 MP ka dual rear camera setup hai. 16 MP ka primary camera Sony IMX398 sensor aur f/1.7 aperture ke saath diya gaya hai, jabki secondary 2 MP yahaan par depth focusing ke liye hai, jo aapko portrait shots ko behtar banaata hai. Is camera ki photos kaafi sharp aur good amount of detailing ke saath milti hain aur saath hi iski low-light photography bhi aapko yahaan niraash nahin karti.

Redmi Note 6 Pro mein bhi 12+5 MP ke dual rear sensors hain. Ismein 12 MP ka primary camera dual-tone LED Flash, f/1.9 aperture, EIS aur Dual PD Focus jaise features ke saath aata hai. jabki secondary camera 5 MP ka hai, jo f/2.2 aperture ke saath moujood hai. Ye AI scene detection, bokeh effect aur night scene jaise features bhi aapko offer karta hai. Is smartphone mein bhi aapko achhi pictures milti hai, specially in day-light. Detailing aur color saturation bhi is smartphone se li gayi photos mein achha hai.

Realme 2 Pro mein front par 16 MP ka single camera hai, jabki Realme 2 Pro mein 20+2 MP ke dual selfie snappers diye gaye hain. Yahaan par bhi dono smartphones ki selfie pictures achhi hain. Lekin face unlock feature Realme 2 Pro mein hai, Redmi Note 6 Pro mein aapko face unlock nahin milta.

Battery

Realme 2 Pro, battery ke maamle mein thoda sa peeche reh gaya, ismein aapko 3500mAh ki battery milti hai, jiske saath koi fast charging support bhi nahin hai. Jabki Redmi Note 6 Pro mein battery capacity 4000mAh hai aur Qualcomm Quick Charge 3.0 fast charging support bhi hai.

Storage And Price

Redmi Note 6 Pro ke 4GB+64GB version ko 13,999 INR mein aur 6GB+64GB variant ko 15,999 INR mein purchase kar sakte hain.

Realme 2 Pro mein bhi 4GB+64GB variant ki cost 13,990 INR aur 6GB+64GB version ki cost 15,990 INR hai. Ismein aapko ek aur option milta hai jo ki 8GB+128GB storage ke saath aayega, jiska price 17,990 INR hai.

Conclusion

Redmi Note 6 Pro, ko sahi maayne mein Redmi Note 5 Pro ka successor nahin maana jaa sakta kyunki ismein design, cameras, hardware bilkul same hai. Jabki Realm2  Pro same price mein better performance bhi deta hai aur dewdrop notch aur looks ki wajah se premium handset lagta hai, jo consumers ko attract karta hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: