Xiaomi Redmi Note 6 Pro Officially Launch Hua, Notch Display Aur Four Cameras Ke Saath Aayega

Xiaomi ne finally Redmi Note 5 Pro ke successor, Redmi Note 6 Pro ko launch kar diya hai. Is smartphone ko company ne Thailand mein ek launch event mein announce kiya hai. Is smartphone ko Black, Blue aur Rose Gold color options mein launch kiya gaya hai aur iski kimat hai 6,990 baht (approx. 16,000 INR).

 

Officially ye smartphone aaj launch hua hai, lekin aap Sharmaji Technical par iski video dekh sakte hain.

Redmi Note 6 Pro mein 6.26 inch ki full HD+ IPS LCD display hai aur jaisa ki leaks mein aa hi chuka hai, ismein Octa Core Qualcomm Snapdragon 636 processor diya gaya hai. Iske alawa ismein 4GB RAM aur 64GB ROM diya gaya hai. Halaanki company ne ek high-end version 6GB RAM ke saath bhi launch kiya hai.

Redmi Note 6 Pro mein bhi aapko Redmi Note 5 Pro ki hi tarah, 12 + 5 MP ka dual rear camera setup milta hai. Lekin jo feature naya hai, wo ye ki is baar front par bhi two cameras hain -20 MP primary frontal sensor aur 2 MP secondary front camera. Saath hi ismein aapko bokeh effect aur face unlock jaise features bhi mil rahe hain.

Is smartphone mein badi notch bhi di gayi hai, jismein earpiece, notification light, proximity sensor aur two front cameras hain. Iske alawa bottom edge par speaker, secondary microphone aur micro USB port hai. Saath hi 3.5mm audio jack bhi aapko yahaan mil jaata hai.

Redmi Note 6 Pro mein bhi MIUI 9 ke saath Android 8.1 Oreo OS hai, halaanki latest software update baad mein aapko zaroor milega. Is dual SIM handset mein aapko 4000mah ki battery fast charging support ke saath milegi.

Well, Redmi Note 5 Pro ke comparison ke kuch khaas changes nahin hain, processor bhi same hai aur rear cameras bhi. Halaanki display size increase hua hai aur front par cameras ka number bhi.

Halaanki abhi ye kehna zara mushkil hai, ki Xiaomi Redmi Note 5 Pro ke successor ko India mein kab tak launch karne waali hai.

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: