Xiaomi Redmi Note 6 Pro Next Month Ho Sakta Hain India Mein Launch

Xiaomi ne abhi last month hi Redmi 6 series India mein launch ki hai. Aur khabarein ye aa rahi hain ki ab company jaldi hi apna next smartphone India mein launch karne waali hai.

Kya lagta hai aapko, kaun sa hoga ye upcoming smartphone? Aaiye jaante hain.

Amazon ki Great Indian Festival mein Xiaomi ke Redmi Note 5 Pro par bhi achha discount raha hai, jo ki February mein launch kiya gaya tha, aur expected ye tha ki iska successor Redmi Note 6 Pro bhi 2019 January ya February mein launch kiya jaa sakta hai.

Lekin jis tarah Redmi 5 ke India launch ke almost six months ke baad hi, Xiaomi ne Redmi 6 announce kar diya. Isi tarah ab lag raha hai ki Redmi Note 5 Pro ka successor bhi jaldi hi aa sakta hai.

Redmi Note 6 Pro ka India launch next month expect kiya jaa raha hai. Is khabar ko lekat Ishan Agarwal ke tweets bhi bahut kuch kehte hain, jinhein aap neeche dekh sakte hain.

Specs par nazar daalein to, Xiaomi Redmi Note 6 Pro mein 6.26 inch ki full HD+ 19:9 display hai. Saath hi ismein aapko notch design milta hai, jismein dual front cameras aur earpiece diya gaya hai.

Is smartphone mein Snapdragon 636 processor hai, jo ki itna damdaar nahin hai, lekin phir bhi ek affordable handset ke according ye acchi performace deta hai. Redmi Note 6 Pro mein aapko hybrid dual SIM slot, Fingerprint scanner diye gaye hain.

Ishan Agarwal ke neeche diye gaye tweet se humein pata chalta hai ki Redmi Note 6 Pro two storage versions mein India mein launch kiya jayega. Inmein 4GB+64GB aur 6GB+64GB options shaamil hain. Saath hi ye handset MIUI 10 par chalega, jo Android 8.1 Oreo OS par based hai.

Redmi Note 6 Pro mein 12+5 MP ke dual rear cameras hain, jo ki dual-tone LED Flash, f/1.9 aperture, EIS aur dual PD focus ke saath aayenge. Wahin 20+2 MP ke front cameras hain, jinmein Sony IMX376 sensor aur Β f/2.0 aperture jaise features included hain.

Price ki baat karein, to ye handset India mein 14,999 INR ke price tag ke saath launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: