Xiaomi Redmi Note 6 Pro Ka India Launch 22nd November Ko Hoga: Specs, Availability And Price Check Karein

Diwali ke baad, dhire dhire sabhi leading companies, apne latest smartphones India mein launch karne jaa rahi hai. Jahaan Nokia 8.1 aur Samsung Galaxy A9 (2018) ki launch date kal announce ho chuki hai. Wahin, most awaited Xiaomi Redmi Note 6 Pro ki confirmation bhi aaj mil chuki hai.

Xiaomi ka Redmi Note 6 Pro, India mein next week, 22nd November 2018 ko launch hone wala hai aur Xiaomi ne khud ye confirm bhi kar diya hai aur iske media invites bhi out ho chuke hain, jise aap neeche dekh sakte hain.

 

Redmi Note 6 Pro mein aapko Snapdragon 636 chipset hi milne waala hai, jo ki Redmi Note 5 Pro mein bhi tha. Iske alawa full HD+ display, 4GB+64GB ka storage option aur hybrid dual SIM slot jaise features bhi aapko yahaan par milne waale hain.

Saath hi is smartphone ki availability date bhi announce ki jaa chuki hai, jo ki 23rd November hai. Company ne iska teaser bhi launch kiya hai, jise aap neeche dekh sakte hain aur ismein likha hai ‘Black Friday Sale Redmi Note 6 Pro, First Sale on 23rd November, 12 Noon. Is image mein aapko notch aur number 6 nazar aayega.

Camera section ki baat karein to, is smartphone mein bhi 12+5 MP ka dual rear camera setup hai aur front par bhi aapko dual cameras hi milte hain, jinmein main camera 20 MP ka hai aur secondary 2 MP ka. Ismein dual 4F VoLTE support milne wala hai aur battery 4000mAh ki hai.

Well, price kitni hogi, ye khabar abhi aani baaki hai, lekin expected kiya jaa raha hai ki Redmi Note 6 Pro ko 14,999 INR ki kimat par launch kiya jayega.

Isi ke saath company ke official Twitter account se ek aur post share kiya gaya hai, jismein likha hai ki aapke liye three exciting news aane waali hain, jo ki aaj, kal aur Saturday ko announce hongi. Saath hi in news ko guess karne waale ko goodies bhi milengi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: