Xiaomi Redmi Note 6 Pro Ki Images Leak Hui, Launch Date Aur Specs Saamne Aaye

Xiaomi ki nayi Redmi 6 series India mein haal hi mein launch hui hai, jise China mein kuch months pehle reveal kiya gaya tha. Lekin company ab isi series mein naye smartphone – Redmi Note 6 Pro ko launch karne ki taiyaari mein hai aur rumors ki barsaat dekhkar ye lag raha hai ki iska launch bhi nazdeek hi hai.

August mein famous leakster Roland Quand ne is smartphone ke color variants ke baare mein bataaya tha. Aur aaj ek aur leakster ne Redmi Note 6 Pro ki image leak ki hai. Itna hi nahi. Is image mein is smartphone ki specifications bhi saaf nazar aa rahi hain.

Lekin, Lekin ! is leaked image se ye bhi saamne aaya hai ki Redmi 6 Pro, jo ki ek mid-range smartphone hoga, four cameras ke saath aayega. Yaani ki is leaked image ke according ismein 20 + 2 MP ke dual front cameras honge aur 12 + 5 MP ke dual rear cameras. Iske alawa is smartphone mein 6.26 inch ki display hogi, jo ki 19:9 aspect ratio ke saath aayegi aur 4000mAh ki battery bhi di jayegi.

Iske alawa rumors ka kehna hai ki Redmi Note 6 Pro 3GB+32GB aur 4GB+64GB variants mein launch kiya jayega. Ummid ye bhi hai ki Redmi Note 6 Pro 6GB RAM version ke saath bhi aa sakta hai. Is smartphone ko Gold, Blue aur Black colors mein announce kiya jayega.ย Saath hi iski pricing details ko lekar jo rumors hain, unke according ye 15,000 se 20,000 INR ke beech aayega.

Kisi insider ke according, Redmi Note 6 Pro ka stock, China ke leading resellers tak pahunchaaya jaa chuka hai aur jaisa ki company ne announce kiya hai ki wo September 19 ko China mein ek launch event host karne jaa rahe hain. Ummid hai ki Mi 8 Youth ke saath company Redmi 6 Pro ki bhi announcement kar sakti hai.

Well, ap kewal kal ke din ka intezaar hai, phir dekhte hain ki Xiaomi China mein kaun se smartphones launch karti hai aur wo India mein aayenge bhi ya nahin.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: