Xiaomi Redmi ne Twitter Par Realme ko Kaha ‘Copy Cat’; Post Ki Ye Funny Video

Redmi aur Realme ek doosre ke strong competitors hain. Ye bhi sach hai ki har samay jab inmein se ek brand koi naya product lekar aata hai, to doosra turant usse compete karne ke liye similar specs aur almost same price range mein apna product market mein utaarta hai.

Dono hi brands apne Twitter handles par aksar ek doosre ki khichaai karte dekhe gaye hain. Lekin is baar Xiaomi ne ek meme banaaya, jo ki thoda popular ho gaya hai aur kaafi funny bhi hai.

POCO, jo ki Xiaomi ki hi Indian brand hai, ke GM C Manmohan ne apne Twitter account par Mr. Bean ki ek funny video share ki hai aur saath hi likha hai “‘Copy Cat’ Brand, nakal chodo, apni akal lagao“. Ye video kaafi funny bhi hai, jise aap neeche dekh sakte hain.

Agar aaj ki hi baat lein to Qualcomm ke event mein Snapdragon 720G chipset announce hone ke baad jahaan ek taraf Redmi ne kaha ki is chipset ke saath first smartphone India mein wo lekar aaye the, jis tarah Snapdragon 730G ke saath unhone last year Redmi K20 ko announce kiya tha. Iske saath hi Realme ne bhi announce kiya ki Snapdragon 720G ke saath wo bhi India mein jaldi apna smartphone leakr aa rahe hain, jaise ki unhone India mein Snapdragon 665 ke saath first phone launch kiya tha.

Well, Mr. Bean ke is video ke alawa Xiaomi India Head Manu Kumar Jain ne bhi is par comment kiya. Is cheez ka mazaak banaate huye POCO GM ne ek picture bhi post ki hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: