Xiaomi Redmi Go Android Phone Announce Hua, Is Price Mein Europe Mein Jaldi Hi Hoga Available

Rumors mein kayi baar aane ke baad, aaj finally Xiaomi ne apna first Android Go smartphone, Redmi Go launch kiya hai. Redmi Go, is company ka wo first smartphone hai, jo Google ke Android Go software par chalta hai. Is smartphone mein aapko Maps Go, YouTube Go jais apps milengi. Yaani ki is handset mein aapko in sabhi apps ke light version milenge. Ye handset Android 9.0 Pie Go Edition software par chalta hai.

Redmi Go mein 5 inch ki HD display hai, aur ye pehle ke smartphones ki tarah 16:9 aspect ratio ke saath aayegi. Is smartphone mein 1.4 GHz quad core Qualcomm Snapdragon 425 processor diya gaya hai aur saath hi 1GB ki RAM ke saath 8GB or 16GB storage milti hai.

Is handset mein hybrid dual SIM slot diya gaya hai aur battery capacity 3000mAh ki hai. Is smartphone mein 8 MP ka rear camera LED flash light ke saath moujood hai, jabki front par selfie lene ke liye 5 MP ka camera diya gaya hai.

Europe mein Redmi Go ki sale February mein hi shuru hogi aur is smartphone ka price 80 Euros hai, yaani ki lagbhag (6,500 INR). Lekin maana jaa raha hai ki is smartphone ka price India mein isse kam hoga aur quarter 1 mein hi ye smartphone India mein approx. 4,000 INR mein launch ho sakta hai.

Lekin Xiaomi ki taraf se ab tak ye official confirmation aana baaki hai, ki ye handset India mein kab launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: