Xiaomi Redmi 7A Budget Price Par India Mein Launch Hua

“Desh Ka Smartphone” keh kar tease kiye gaye, Redmi 7A ko, company aaj India mein launch kar chuki hai. Matte Blue, Matte Gold aur Matte Black color options mein ye phone sirf Flipkart par 11th July se available hoga. Saath hi ye 2 years ki warranty ke saath aayega.

Redmi 7A mein two storage options aaye hain, jinmein 2GB RAM ke sath 16GB storage model ka price 5,799 INR hai aur 2GB RAM ke saath 32GB storage model ki kimat 5,999 INR hai. Lekin July ke baad, in dono variants ko aap 5,999 INR aur 6,199 INR mein kharid paayenge.

Ab badhte hain specs ki taraf, Redmi 7A mein 5.45 inch ki HD+ display hai aur ye 18:9 aspect ratio ke saath aayi hai. Ismein aapko Octa Core Qualcomm Snapdragon 439 chipset hai aur saath hi Adreno 505 GPU bhi diya hai. Achhi baat ye hai ki isse pehle Redmi 5A, 6A, sabhi mein aapko quad core chipset milta tha, lekin yahaan Octa Core chipset hai.

Redmi 7A mein 12 MP ka rear camera LED flash light ke saath diya gaya hai aur front par AI enabled 5 MP ka camera hai. Is handset mein aapko triple card slots bhi milte hain, yaani ki dedicated slot for microSD card.

Is handset mein Android 9.0 Pie OS ke saath MIUI 10 milta hai. Iske alawa ye P2i nano coating ke saath aata hai, yaani ki halki fulki paani ki bauchaar ye jhel sakta hai.

Ye dual 4G VoLTE supported phone 4000mAh battery ke saath aata hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: