Xiaomi Redmi 7 Bhi Hua India Mein Announce, Jaanein Price, Specs Aur Jio Offers Ke Baare Mein

Jaisa ki rumors mein suna jaa raha tha ki Xiaomi Redmi Y3 ke saath Redmi 7 smartphone ko bhi launch kiya jaa sakta hai aur aisa hua bhi hai. Company ne aaj Redmi Y3 ke saath Xiaomi Redmi 7 smartphone ko bhi India mein launch kar diya hai. Redmi 7 china mein already launch kiya jaa chuka hai. Phone mein aapko dot notch display aur finger print scanner jaise baisc features dekhne ko mil jaate hain. Iss phone ki design ko company ne Aura Smoke Design naam diya hai. Iss se pehle Launch kiya gaya Redmi Note 7 ko company ne Aura design naam diya tha.

 

Redmi 7 mein 6.23 inch ki HD+ 2.5D curved glass display milti hai. Saath hi phone mein corning gorilla glass 5 protection bhi milta hai. Iss phone mein company ne 1.8GHz Octa -Core Snapdragon 632 chipset use kiya hai jise 14nm mobile platform par design kiya gaya hai. Iske saath hi aapko ismein Adreno 506 GPU bhi dekhne ko milta hai. Phone mein MIUI 10 based Android 9 Pie operating system diya gaya hai. Iss phone mein P2i nano coating milti hai jo ki phone ko splash resistant banati hai.

Iss phone ko company ne 2 variants mein announce kiya hai jismien 2GB RAM  aur 3GB RAM ke saath  32GB internal storage dekhne ko milegi. Phone ki memory ko aap 512 GB tak expand bhi kar sakte hain. Phone mein dual Sim  aur ek micro SD card ka support milta hai. Saath hi iss phone mein 4000mAh ki typical battery milti hai. Phone ko gradient color mein launch kiya gaya hai.  Iss phone mein aapko Blue, Lunar Red aur Eclipse Black yeh 3 color dekhne ko milnege.

 

Redmi 7 mein  dual rear AI camera setup diya gaya hai. Primary camera 12MP ka milta hai jiska lens aperture size f/2.2 hai wahin secondary camera 2MP ka diya gaya hai. Phone mein front facing camera 8MP ka milta hai. Connectivity option mein aapko Wi-Fi 802.11 b/g/n, Bluetooth 4.2, GPS/GLONASS ka option mil jaata hai. Audio output ke liye dedicated speakers ke alawa 3.5mm headphone jack ka option bhi aapko milta hai.

 

Iss phone ke 2GB/32GB variant ki price Rs 7,999 aur 3GB/32GB variants ki keemat Rs 8,999 rakhi gayi hai. Yeh phone online Amazon.in, Mi.com aur offline Mi Home stores par 29th April se sale ke liye available hoga. Jio users ke liye ismien offer diya gaya hai jahaan users ko Rs 2,400 ka cashback vouchers ki form mein diya jaayega saath hi 4 years ke liye unhe double data bhi milega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: