Xiaomi President Ne Confirm Kiya, Jaldi Hi Is Price Ke Saath Launch Hoga Redmi Ka Flagship Phone

Xiaomi ne abhi as a independent brand, Redmi Note 7 ko announce kiya hai, jismein 48 MP rear camera, watderdrop notch ke saath full HD+ display, 4000mAh ki battery aur Android 9.0 Pie OS ke sath MIUI 10 jaise features included hain. Lekin wahin Xiaomi ke President Lei Jun ne Redmi ko separate brand announce kiya aur former Gionee President Lu Weibing ko is nayi sub-brand ka General Manager bhi announce kiya.

Saath hi Lei Jun ne ye bhi kaha hai ki Redmi ko hamesha se iski affordable price par launch huye smartphones ke liye jaana gaya hai. Unhone kaha ki company as a separate entity bhi is trend ko continue rakhegi. Saath hi ek aur badi khabar bhi announce ki gayi hai.

Xiaomi President ne bataaya ki Redmi jaldi hi apna ek flagship smartphone launch karegi jiski kimat lagbhag 2500 yuan yaani ki takreeban 26,000 INR hogi. Abhi tak hum Redmi ke budget phones aur Mi ke flagship phones dekhte aaye hain, lekin ab as a independent brand, Redmi kewal 25K ke price range mein kaun sa flagship smartphone announce karta hai, ye dekhna interesting rahega.

Bataaya gaya ki Redmi aage bhi budget smartphones launch karegi, wahin premium phones ke liye Mi ko jaana jaayega. Iske alawa company ne ye bhi clear kar diya hai ki Redmi Note 7 mein Sony ke sensors naa mil paane ki wajah se camera mein Samsung sensors ka istemaal kiya gaya hai. Lekin Spring season mein Redmi Note 7 Pro ko Sony sensors aur improved specs ke saath launch kiya jayega.

Well, ab dekhna ye hai ki Redmi ke ye dono phones market mein kitne succeed hote hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: