Xiaomi Poco F1 Par Flipkart Ki Big Billion Days Sale Mein Milega 5,000 INR Tak Ka Discount

Xiaomi ne haal hi mein India mein nayi Pocophone series start ki hai. Is series ka pehla hi phone Poco F1, kaafi impressive raha aur saath hi ye abhi tak ka aisa pehla smartphone hai, jismein aapko 20K ke price mein Snapdragon 845 chipset ke saath smooth performance milti hai. Lekin agar hum aapse ye kahein, ki is smartphone par aapko aur 5,000 INR tak ke discount offers mil sakte hain, to?

Jee haan ! Aap sahi padh rahe hain.

Aaj se thik two days ke baad, Flipkart ki Big Billion Days Sale start ho rahi hai, jo 6th to 8th December, 2018 ke dauraan hone waali hai. Is sale mein aapko sabse achhe offers, smartphones par hi milne jaa rahe hain. Flipkart khud yahaan smartphone offers ke liye ‘Lowest price of 2018’ tag line ka use kar raha hai. Aur in sabhi deals mein, best deal hai, Poco F1 par.

Xiaomi ke Poco F1 par aapko 5,000 INR tak ke discounts milne waale hain. Is baat ko khud Xiaomi ke apne Twitter page ke through confirm kiya hai, jiska link aap upar dekh sakte hain. Yahaan aapko Poco F1 ke sabhi variants par discount mil raha hai. Lekin ye ek temporary price drop hoga aur 8th of December, 2018 ke baad, is smartphone ka price, phir se increase ho sakta hai.

Well, Poco F1 ke high-end version, jo ki 8GB RAM aur 256GB storage ke saath aata hai, par aapko 5,000 INR ka discount mil raha hai. Lekin iske base version yaani ki 6GB / 128GB storage option par bhi aap decent discount offer ka laabh utha sakte hain.

Agar is smartphone ke features ki baat karein, to ismein SD 845 chipset ke alawa, 6.18 inch ki full HD+ display, 6GB / 8GB RAM, 64GB / 128GB / 256GB storage, 12+5 MP dual rear cameras, 20 MP front camera aur 4,000mAh ki battery included hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: