Xiaomi Ne Tease Kiya Triple Rear Camera Smartphone: Jaldi Hi Launch Ho Sakta Hai Mi A3

Xiaomi VP aur India Head, Manu Kumar Jain ne kuch hi din pehle apne upcoming smartphone ko ye kehkar tease kiya, ki aane waale smartphone mein Snapdragon 700 series ka latest chipset hoga (expected Snapdragon 730). Iske baad aaj phir se ek naya teaser saamne aaya hai, jismein single, dual aur triple cameras nazar aa rahe hain, aur ye hint deta hai ki aane waala smartphone triple rear cameras ke saath launch kiya jayega.

Well, Is upcoming smartphone ko Mi A3 hi bataaya jaa raha hai aur saath hi iske kuch leaks pehle saamne aa bhi chuke hain. Lekin kuch rumors ke accrording company Mi 9 SE ke global launch ki taiyaari bhi kar rahi hai aur maana jaa raha hai ki ye triple rear cameras waala smartphone Mi 9 SE hi ho sakta hai, jo ki Mi A3 ke saath launch kiya jaaye.

Haal hi mein saamne aayi leaks ke according, ye upcoming smartphones Android One smartphones honge, jinke adhaar par inka naam Mi A3 aur Mi A3 Lite bataaya jaa raha hai aur inmein Snapdragon 730 aur Snapdragon 712 / 710 chipsets aane ki ummid hai.

Ye triple rear cameras ka teaser jo saamne aaya hai, inmein 48 MP ke primary camera ke saath 13 MP ka wide angle lens aur 8 MP ka telephoto lens ho sakta hai. Saath hi ye bhi possible hai ki company Mi 9 SE ko Mi A3 ke naam se globally launch kare.

Agar aisa hota hai, to aapko phone mein jo specs nazar aayengi, wo hain – 5.97 inch ki full HD+ display, 6GB ki RAM, 3070mAh ki battery, jo ki fast charging ke saath aayegi aur in-display fingerprint sensor.

Lekin saath hi Xiaomi ke kayi aur leaks bhi saamne aaye hain, jinmein ek smartphone ko pop-up selfie camera ke saath dekha gaya hai. Saath hi company Snapdragon 855 phone par bhi kaam kar rahi hai, jo jaldi hi Redmi sub-brand ke andar launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: