Xiaomi Mi 9 Ki Launch Date Revealed, Abhi Tak Saamne Aayi Details Yahaan Jaanein

Xiaomi ne apne aane wale flagship smartphone Xiaomi Mi 9 ke liye ek post reveal kiya hai. Yeh post company ke Weibo account se kiya gaya hai, jismein Mi 9 ki official date reveal kar di gayi hai. Ye handset 20th February, 2019 ko launch kiya jaaega.

Company ki according yeh Xiaomi ka abhi tak ka best looking smartphone banne wala hai. Lekin audience ki excitement ko double karne wali news yeh hai ki same date mein yaani ki February 20 ko Samsung bhi apni nayi flagship smartphone series ke three smartphones launch karne waali hai, jismein Galaxy S10, S10+ aur S10e shaamil hain.

Upar dikhaai de rahi image mein, Mi 9 ko aap Chinese singer Roy wang ke haath mein dekh sakte hain, jaahan iska rear panel nazar aa raha . Rear panel par aapko triple rear camera set up dikhai de raha hoga. Is se yeh confirm ho jaata hai ki yeh smartphone triple rear camera ke saath hi launch kiya jaaega. Saath hi dusre post mein iss phone ki launch date batayi gayi hai, jo ki neeche dekha jaa sakta hai.

 

 

Xiaomi Mi 9 ke liye expect kiya jaa raha hai ki yeh device high end specs ke saath launch kiya jaa sakta hai. Iss smartphone mein latest Qualcomm Snapdragon 855 chipset diya jaa sakta hai. Itna hi nahi triple rear camera  set-up ke alawa iss phone mein 24MP ka front selfie camera Sony IMX576 sensor ke saath mil sakta hai. Yeh phone two RAM variants mein launch ho sakta hai, jismein 6GB RAM hai aur high-end version 8GB RAM ke saath aayega, jismein 256GB ki storage expect ki jaa rahi hai.

Rumours ke according yeh smartphone 6.4 inch ki AMOLED display ke saath launch kiya jaa sakta hai. Saath hi yeh display HDR10 supported hogi. Iske alawa Mi 9 mein aapko in-display finger print scanner diya jaayega. Phone ki display water drop notch ke saath aa sakti hai. Saath hi expect kiya jaa raha hai ki yeh phone 27W ki fast charging ke saath launch ho sakta hai. Iske alawa iss phone mein MIUI 10 based Android 9.0 Pie software hoga.

20 February ko yeh phone China ke Beijing mein launch kiya jaaega. High-end specs ke saath iss phone ki price bhi little bit high ho sakti hai. Lekin India mein yeh phone launch hoga ya nahin, ye to baad mein hi pata chalega, filhaal Indian fans ko Redmi Note 7 ka intejaar hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: