Xiaomi Ne Release Kiya Redmi Flagship Killer 2.0 (K20) Ka Teaser, OnePlus 7 Ko Kar Sakta Hai Beat

Kal OnePlus ne apne most awaited flagship smartphone OnePlus 7 Pro aur OnePlus 7 ko launch kar diya hai. Iss launch ke reply mein Xiaomi India ke head Manu Kumar ne ek tweet kar ke OnePlus company ko congrats kiya hai saath hi Xiaomi ke aane wale smartphone Flagship Killer 2.0 ke baare mein bhi bataya hai.

Iss tweet mein Manu Kumar ne ” Flagship Killer 2.0 Coming Soon” mention kiya hai saath hi unhone Hold My Dragon line bhi likhi hai. Iss se expect kiya jaa raha hai ki company apne iss phone mein Qualcomm Snapdragon ka behtareen processor de sakti hai. Abhi tak saamne aayi rumors mein Redmi Flagship K20 smartphone Snapdragon 855 chipset ke saath dekha gaya hai. Redmi K20 ke alawa ek aur smartphone launch hone ki news bhi saamne aa rahi hai jiske liye bataya hai jaa raha hai ki yeh phone Snapdragon 730 processor ke saath market mein utara jaa sakta hai.

 

Processor ke alawa Redmi K20 ki kaafi rumored specs humare saamne aa chuki hain jismein bataya gaya hai ki iss phone mein 6.39 inch ki full HD+  notchless display di jaa sakti hai. Saath hi iss phone mein triple rear camera bhi dekhne ko mil sakta hai jo ki 48MP+13MP+8MP ka bataya jaa raha hai. Tipster Ishan Agrawal ne apne ek tweet mein yeh bataya ki company iss phone ko China mein Redmi K20 Pro ke naam se launch kar sakti hai wahin India mein humein yeh phone POCO F2 ke naam se dekhne ko mil sakta hai. Kuch basic specs ke alawa company ne abhi tak iss phone ki launch date ki koi jaankari nahi di hai. Lekin company iss phone ko sabse pehle China mein launch karegi.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: