Xiaomi Ne Launch Kiye Yeh Jabardast Smart TVs, Sasbe Khaas Hai Mi ART TV

Xiaomi ne aaj China mein organise kiye gaye ek event mein apne TV lineup ko bhadate huye kuch naye TVs ko announce kiya hai. Inmein 4 TVs same series se alag alag size variants mein launch ki gaye hain wahin ek single model jo inn sab se different hai, ko bhi launch kiya gaya hai. Xiaomi ki single launch ki jaane wali smart TV Mi ART TV hai. Ise Mural TV bhi kah sakte hain. Iske alawa baaki 4 TVs E series mein launch ki gayi hain. Inka model name E32A, E43A, E55A aur E65A hain. Yeh sabhi smart TVs hain. Inn TVs ke details hum aapko one by one batate hain.

 

Xiaomi  Mi ART TV 65 Inch 

Yeh company ka pehla art TV hai jismein Samsung ka 65 inch ka 4K HDR panel use kiya gaya hai. Iske alawa iss TV mein 13.9mm ki anodized aluminium frame ka use kiya gaya hai. TV ka back panel proper flat diya gaya hai. Iss TV mein art mode on karne par aapko 45 artist ke 22 genres ( style) dekhne ko milte hain. Agar aap ise nahi dekhna chahte hain to aap ise apne personal pictures ke saath bhi customized kar sakte hain. Ismein aapko 178° viewing angle dekhne ko milta hai. Iss TV mein 4 mic line array diye gaye hain. Saath hi yeh TV Dolby, DTS  audio ko bhi support karta hai. Iss TV mein 21W ke 2 speakers lage huye hain. TV mein 32GB ki internal memory aur 2GB RAM pre-install milti hai.

 

Xiaomi Mi E32A 32 Inch Smart TV 

32 Inch ka yeh smart TV 1366×768 pixels resolution ko support karta hain jiska viewing angle 178° hai. Iss TV mein 1.5Ghz ka multi core processor use kiya gaya hai jo ki multi core GPU ke saath aata hai. TV mein 6W ke 2 stereo speakers diye gaye hain jo ki DTS audio ko support karte hjain. Iss TV mein 1GB RAM aur 4GB ki internal storage di gayi hai. Saath hi external input ke liye ismein 2 HDMI port, 1 USB port aur Ethernet port diya gaya hai. Saath hi yeh TV Wi-Fi aur Bluetooth connectivity ko bhi support karta hai.

 

Xiaomi Mi E43A 43inch Smart TV 

Iss TV ka screen resolution E32A se different milta hai jo ki 1920 × 1080 pixels ka diya gaya hai. Saath hi ismein internal storage bhi 8GB ki milti hai. RAM support same E32A ke equal diya gaya hai. Iss TV mein 8W ke 2 stereo speakers diye gaye hain jo ki DTS audio support ke saath aate hain.

 

Xiaomi Mi E55A/E65A  55/65 Inch Smart TV

Inn dono TVs mein screen size ke alawa koi difference nahi hai. Xiaomi Mi E55A mein 55 inch ki screen milti hai to wahin Mi E65A mein 65 inch ki screen milti hai. Dono hi TVs ki screen ka resolution 3840 × 2160 pixels ka diya gaya hai. Iss dono TVs mein 1.5GHz ka Quad Core processor use kiya gaya hai jo ki Mali-450 GPU ke saath aata hai. Inn TVs mein 2GB RAM aur 8GB ki internal storage dekhne ko milti hai. Dedicated patchwall Android TV ke support ke saath aati hai. Saath hi inmein Wi-Fi aur Bluetooth connectivity ke alawa 3 HDMI port, 2 USB port aur 1 Ethernet port milte hain. Iss TVs mein 8W ke 2 stereo speakers diye gaye hain jo DTS aur Dolby audio ko support karte hain.

 

Inn sabhi smart TVs ke price aap yahaan neeche dekhn sakte hain.

  •   Xiaomi Mi ART TV 65 Inch        –   CNY  6,999 (~ Rs 72,600)
  •   Xiaomi Mi E32A TV 32 Inch      –   CNY  1,099  (~ Rs 11,500)
  •   Xiaomi Mi E43A TV 43 Inch      –  CNY  1,999   (~ Rs 20,700)
  •  Xiaomi Mi E55A TV 55 Inch        –  CNY  2,999  ( ~Rs 31,100)
  • Xiaomi Mi E65A TV 65 Inch        –  CNY  3,999   (~Rs 41,500)
Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: