Xiaomi Ne Launch Kiye Mi Notebook Air 13.3 Inch Aur 15.6 Inch Variants Main, Jaaniye Specifications Aur Price

Chinese electronics manufacturer company Xiaomi ne China mein 2 naye Notebook series laptops ko launch kiya hai, Mi Notebook Air 13.3 inch aur Mi Notebook Air 15.6 inch. Mi Notebook Air ke dono hi variants mein aapko Intel 8th generation Core i3 processor diya gaya hai. Saath hi yeh dono Notebook Air laptops Windows 10 Home Edition ke saath launch kiye gaye hain.

Mi Notebook Air 15.5 inch Laptop

Mi Notebook Air 13.3 Inch

 

Mi Notebook Air 13.3 inch ki specification par nazar daale to yaha aapko 13.3 inch ki full HD display di gayi hai jiska viewing angle 170 degree hai. Laptops ko bahut hi slim aur sleek design kiya hai, jisse iska screen to body ratio 80.1% milta hai. Jese ki humne pehle hi bataya ki iss notebook mein aapko Intel 8th generation Core i3-8130U processor diya gaya hai, jo 8GB ki DDR4 RAM ke sath aur 128GB SATA SSD ke support ke saath aata hai. Iss laptop mein Intel UHD graphic 620 chipset bhi di gayi hai.

 

Video Conferencing ke liye iss laptop meina aapko 1MP ka HD camera milta hai saath hi array microphone ka support bhi diya gaya hai. Full Size backlit keyboard ke saath aane wala yeh laptop multi finger gesture jese feature ko bhi support karta hai. Laptop mein 40W ki battery di gayi hai jo ki USB type-c ki fast charging ke saath aati hai.

 

Mi Notebook Air 13.3 inch mein aapko dual band Wi-Fi, Bluetooth, finger print sensor ka option mil jata hai. Saath hi 1 USB type –c port, 2 USB 3.0 port, 1 HDMI port, 1 3.5mm headphone jack ka option milta hai. Iss laptop ke weight ki baat karein to yeh laptop 1.3Kg ka weight carry karta hai.

 

 

Mi Notebook Air 15.6 Inch

 

Mi Notebook 15.6 inch laptop ki specification 13.3 inch se thodi jyada behtar hain, haalanki agar RAM segment ki baat karein to aapko yaha 4GB RAM ke saath kaam chalana padega. Lekin storage aapko yaha bhi 128GB ki hi milegi. Extra storage ke liye aap iss laptop mein 1 Tb tak ki external mechanical hard drive use kar sakte hain. Iss laptop mein aapko heat ko reduce karne ke liye double heat outlet (2+2 pipe layout) diye gaye hain saath hi dual fan bhi diya gaya hai.

 

Display ki baat ki jaaye to iss laptop mein bhi FHD display dekhne ko milegi jiska viewing angle 178 degree hai. 15.6 inch laptop ke benefits ki baat karein to full size numeric keyboard ke saath saath yaha aapko kuch dedicated keys bhi di gayi hain jaise calculator button, browser key, scroll lock button. Yeh laptop 300nits ki brightness ke saath aata hai.

 

Mi Notebook Air 15.6 laptop mein connectivity ke liye 1 USB 2.0 port, 1 ethernet port, 2 USB 3.0 port, 1 3.5mm headphone jack ka option diya gaya hai.

 

 

Abhi yeh laptops sirf China mein hi launch kiye jaha 13.3 Inch variant ki price CNY 3,999 (approx Rs 41,700) aur 15.5 Inch variant ki price CNY 3,399 (approx Rs 35,500) rakhi gayi hai. China mein yeh laptop 11 November se pre-order ke liye available ho jaaenge. Indian market mein abhi inn laptops ki availability ko lekar koi bhi update nahi di gayi hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: