Xiaomi Ne Launch Kiya Wireless Charging Pad, Wireless Power Bank Aur Wireless Car Charger

Xiaomi ne aaj China mein Mi 9 smartphone series ke alawa aur bhi kuch interesting gadgets launch kiye hain. Yeh sabhi gadgets wireless hai. Inn gadgets ki list mein Mi wireless Power Bank, Mi Wireless Charging Pad aur Mi Wireless Car Charger include hai. Isi ke saath Mi 9 world ka first phone ban gaya hai jo ki 20W ki wireless fast charging ko support karta hai. Sabhi accessories ko kaafi affordable price tag ke saath launch kiya gaya hai.

 

Mi  10W Wireless Fast Charging Power Bank

Xiaomi ki taraf se aane wali yeh first wireless fast charging power bank hai. Yeh power bank 10,000mAh ki capacity ki saath aati hai, jo ki 10W ki Qi wireless fast charging ko support karti hai. Yeh power bank 3 devices ko ek saath charge kar sakti hai jismein ek wireless device aur 2 wired devices include hai. Iss power bank mein aapko 2 USB input diye gaye hain, jismein ek QC 2.0 aur dusra Qc 3.0 port hai. Yeh power bank 18W charger ke saath charge karne par 4 hours ka aur 10W charger ke saath charge karne par 6 hours ka charging time leti hai.

Mi 20W Wireless Charging Pad

 

Yeh Mi Wireless Charger ka ek upgrade version hai jise Mi Mix 3 ke saath launch kiya gaya tha. Yeh charger 27W ki input aur 20W ki output ko support karta hai jo ki aapke Mi 9 smartphone ko sirf 60 minutes mein full charge kar sakta hai. Dual cooling system ke liye iss charging pad mein heat sink aur silent fan laga hua hai. Iski wajah se charging ke samay yeh jyada heat nahi hota hai. Mi 20W Wireless Charging Pad ko sirf white colour mein launch kiya gaya hai.

 

Mi 20W Wireless Car Charger

Yeh car charger driving ko dhayan mein rakhte huye design kiya gaya hai. Ismein blue ring light di gayi hai jo ki power on karne par light up hoti hai. Is car charger mein in-built hidden infra-red sensor diya gaya hai jo ki automatically phone ko detect aur hold kar leta hai. Is car charger mein 2.5D glass surface diya gaya hai.  Issi ke saath ismein thermal pad bhi laga hua hai jo ki charger ko heat hone se bachata hai. Is charger ke saath aap Mi 9 phone ko 90 minutes mein full charge kar sakte hain.

 

Abhi yeh products sirf China mein launch kiye gaye hain. Mi Wireless Fast Charging Power Bank ki price CNY 149 ( Rs 1,575 Approx) rakhi gayi hai. Iske alawa Mi Wireless Charging Pad ko CNY 99 (Rs 1,048) without charger aur CNY 149 (Rs 1,575 Approx) mein 27W fast charger ke saath khareed sakte hain. Mi Wireless Car Charger CNY 169 ( Rs 1,790 Approx) ki price par aapko milega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: