Crowdfunding Platform Par Launch Hua, Xiaomi Ka Smart Toilet Seat Cover, AI Technology Ke Saath Is Price Par Available Hoga

Chinese electronic manufacturers aur tech gadget company Xiaomi apni bhadiya quality aur affordable price products ke liye famous hai. Jo na sirf smartphones banati hal balki humari daily life mein use hone waale kaafi aise useful products bhi banati hai jo humari life ko kaafi aasan banate hain. Last year Xiaomi ne toilet seat cover aur light ko launch kiya tha. Toilet seat cover ko upgrade karte huye Xiaomi ne Tinymu smart toilet seat cover ko launch kiya hai jo ki AI technology based design kiya gaya hai.

Xiaomi Tinymu smart seat cover artificial intelligence par work karta hai. Saath hi yeh Chinese voice assistant XiaoAI ko follow karta hai. Lekin yeh smart seat cover sirf Chinese languages mein hi command le sakta hai. Issi ke saath saath iss toilet seat mein ceramic seat based  dual heating option diya gaya hai jo ki aapke according seat ke temperature ko adjust kar sakta hai.

Voice command de kar iss toilet seat mein aap flushing, seat heater switch on jaise features ko use kar sakte hain. Iske alawa agar aap Xiaomi ki wrist band user hai to aapko sirf ek baar ise set karna hoga. Uske baad aap jab bhi ise use karenge yeh aapki jarurat ke anusaar temperature, water flow intensity, washing postion ko automatically on kar dega, jo ki aapke Mi band se connect rahegi.

Manual option ke alawa iss seat cover mein aapko braille prompt bhi milta hai jo ki visually handicapped user ke liye helpful rahega. Iske alawa agar aapko long time tak toilet mein bethne ki aadat hai to yeh seat cover 30 minute ke baad automatically beep dena shuru kar dega. Iss seat cover ki Chinese market mein price CNY 1,299 hai. Jo ki Crowdfunding ke platform par 26 December se milna shuru ho jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: