Xiaomi Ne Launch Ki Real Time Translation Device, Mi AI Translator

Xiaomi ne kal Mi Band 4 ke saath kuch products ko bh launch kiya hai jismein Xiaomi Mi AI Translator bhi include hai. Yeh translator 224 countries ki 34 languages ke real time translation ko support karta hai. Company ne ise do different variant mein announce kiya hai, jismein aapko 4G aur 4G+Wi-Fi version milte hain.

Xiaomi Mi AI Translator mein aapko 4 inch ki screen milti hai jiska screen aspect ratio 16:9 diya gaya hai. Iss device mein 2.0GHz 12nm multi-core processor ko use kiya gaya hai. Iske device ke Wi-Fi variant mein aapko 2GB RAM ke saath 16GB internal storage aur 4G+WiFi variant mein 3GB RAM ke saath 64GB internal storage milti hai.

Close up shots click karne ke liye aapko 5MP ka camera 5cm macro ke saath milta hai, jiska aperture size f/2.2 hai. Ismein dual microphone aur speakers aapko diye gaye hain. Translator mein 2200mAh ki battery di gayi hai jismein 25 days ke stand by time milta hai. English languages shikhne ke liye aapko ismien Word battle, Word radio, Word Association aur Review Test jaise option milte hain. Yeh translator Oxford aur Collins Dictionary aur 3 Chinese dictionary ke saath pre-install aata hai. Iski help se aap sahi English pronunciation ko bhi sheekh sakte ho. Iske alawa yeh device Chinese, German, Korean, Japanese aur English languages ko offline bhi support karti hai.

 

Mi AI Translator mein aapko Black aur White do color option milte hain. Iss device  ke 4G+Wi-Fi variant ko aap CNY 999 (~Rs 10,000) mein aur Wi-Fi variant ko CNY 499 (~Rs 5,000) mein purchase kar sakte hain. Yeh device China mein 19th June se sale ke liye available hogi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: