Xiaomi Ne Kiya Confirm, Redmi 6 Pro Aur Mi Pad 4, June 25 Ko Honge Launch

Xiaomi ne confirm kar diya hai ki June 25 ko home country mein wo Redmi 6 Pro launch karne jaa rahi hai aur saath hi Mi Pad 4 aane ki bhi poori ummid hai. Redmi 6 Pro mein 19:9 display aane ki ummid hai aur saath hi ismein dual rear cameras aur display par notch jaise features bhi ho sakte hain.

Iske alawa ye bhi confirmed hai ki company Mi Pad 4 bhi isi din launch karegi jismein 8-inch ki display hai. Halaanki inmein se kisi bhi device ke pricing details abhi tak nahin aaye hain aur inke liye official launch ka intezaar humein karna padega.

Redmi 6 Pro

Rumors ke according, Redmi 6 Pro mein 5.84-inch ki full HD+ display hogi aur ise power dene ke liye ismein 2.0 GHz Octa Core Qualcomm Snapdragon 625 processor hai. Ismein three storage options aane ki ummid hai – 2GB RAM with 16GB ROM, 3GB RAM with 32GB storage aur 4GB RAM ke saath 64GB ROM. Iske alawa Redmi 6 Pro mein dual rear cameras aur 5 MP ka front camera aane ki ummid hai.

Redmi 6 Pro mein 4000mAh ki battery hai, dual SIM slot aur fingerprint scanner jaise features hain. Is handset mein Android 8.1 Oreo software moujood hai aur uske saath MIUI bhi diya gaya hai, halaanki ye 9 hoga ya 10, ye abhi nahin pata.

Mi Pad 4

Rumor mill se jo information generate hui hai, uske according Xiaomi Mi Pad 4 mein 8 inch ki full HD+ 18:9 display aane ki ummid hai aur ismein Octa Core Qualcomm Snapdragon 660 chipset diya gaya hai. Ismein 4GB / 6GB RAM ke saath 64GB / 128GB storage di gayi hai.

Mi Pad 4 mein 13 MP ka auto focus rear camera, f/2.0 aperture ke saath aur 5 MP ka front facing camera bhi f/2.0 aperture ke saath aayega. Iske alawa ismein 6000mAh ki battery aur Android 8.1 Oreo OS moujood hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: