Xiaomi Ne Introduce Ki Apni First Smartwatch – Mi Watch

Xiaomi ne China mein huye event ke dauraan Mi TV 5 series aur Mi CC9 Pro ke alawa Mi Watch ko bhi announce kiya hai. Ye company ki first smartwatch hai jismein aapko 1.78 inch ki AMOLED display milti hai. Is watch ko Silver aur Elegant color options mein announce kiya gaya hai.

Specs ki baare mein thoda detail mein jaan lete hain. Is watch mein display par aapko Corning Gorilla Glass 3 protection milta hai. Ismein aapko Qualcomm Snapdragon Wear 3100 chipset milta hai aur 1GB RAM ke saath 8GB ki inbuilt memory hai.

Mi Watch mein MIUI for watch par based Wear OS milta hai jo Android aur iOS ko support karta hai. Ismein aapko jo sensors milte hain unmein included hain Accelerometer, Geomagnetic sensor, Heart Rate Sensor, Ambient Light Sensor, Barometer. Ismein aapko 570mAh ki battery milti hai, jo 4G network par aapko 36 hours ka battery life deti hai.

Mi Watch automatically 10 sport activities ko track kar sakti hai aur ye European professional sports algorithm FIRSTBEAT ke saath aati hai.

Ismein aapko sleep tracking support, 40 apps ka support aur eSIM aur 4G VoLTE connectivity support bhi milta hai.

Price ki baat karein to, is smartwatch ka price China mein 1299 yuan (approx. 13,000 INR) hoga. Iske alawa ek Premium edition bhi hai jo Black color ka hai aur Stainless steel band ke saath aata hai, jiski price 1999 yuan (approx. 20,000 INR) hai. China mein ye smartwatch December mein sale ke liye available hogi, jabki iske India launch ki abhi koi khabar nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: