Xiaomi ne India Mein Launch Kiye Mi TV 4X Pro 55”, Mi TV 4A Pro 43” Aur Mi Soundbar

Aap is khabar ko to jaante hi honge ki ye Chinese company India mein last year mein 1 million smart TVs se jyada hi India mein sale kar chuki hai. Aur is success ke baad, company ne aaj aur bhi two TV models India mein launch kiye hain.

Xiaomi ki Mi LED TV 4A Pro 43 inch TV jo ki full HD resolution ke saath aayegi aur Mi LED TV 4X Pro 44 inch jo ki 4K resolution ke saath aayegi, aaj India mein unveil ki gayi hain. Ismein Mi 4X Pro TV mein aapko 10-bit color depth aur HDR 10 support bhi milta hai aur ismein 2GB RAM aur 8GB eMMC internal memory di gayi hai.

Iske alawa Mi TV 4A Pro 43 inches mein 1GB ki RAM di gayi hai. Iske alawa baaki sabhi specs dono TVs mein same hain. Mi LED TV 4X Pro aur 4A Pro mein aapko 1.5GHz quad core Amlogic Cortex-A53 processor diya gaya hai. Saath hi in dono TVs mein Android 8.1 Oreo ke saath PatchWall UI bhi milta hai.

ALSO READ: Redmi Note 7 Launched With 48MP Rear Camera

Connectivity features mein aapko Wi-Fi 802.11 b/g/n, three HDMI ports, three USB ports, one 3.5mm audio jack aur one Ethernet options moujood hain. Saath hi inmein 10Watt ke two speakers, Stereo aur DTS moujood hain.

Mi TV 4X Pro ka price 39,999 INR hai, jabki Mi LED TV 4A Pro ko aap 22,999 INR mein purchase kar sakte hain.

Mi Soundbar

Xiaomi ne saath hi, Mi soundbar bhi launch kiya hai aur ye waakyi mein ek affordable soundbar hai. Ismein aapko eight speaker units milte hain, jinmein 2.5 inch ke two bass units, 0.75 inch ki two dome treble units aur four passive radiators moujood hain.

Iske alawa Mi Soundbar mein aapko Bluetooth 4.2 support bhi milta hai. Saath hi 3.5mm audio jack, fiber optic input aur coxial imput bhi diye gaye hain. Is speaker ki range 50 Hz – 25000 Hz hai aur wall mounting option bhi aapko yahaan par mil jaata hai.

Mi Soundbar kewal White color option mein hi milega aur ye Mi Home stores aur Mi.com par hi available hai. Mi Soundbar ko aap 16th January dopahar 12 baje se kharid sakte hain aur iska price 4,999 INR hai.

ALSO READ: Winter Season Mein Duniya Bhar Se India Mein Aate Hain Ye Migratory Birds

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: