Xiaomi Ne India Mein Launch Kiya Gold Made Redmi K20 Pro Signature Edition Smartphone

Xiaomi ne aaj India mein Redmi K20 aur K20 Pro smartphones ko launch kiya hai. Inn dono phones ke launch ki jaankari audience ko pehle se hi thi. Lekin aaj company ne inn dono phones ke saath Redmi K20 Pro Signature Edition, jo ki gold se bana hua hai, ko launch kar ke users ko surprise kar diya hai.

 

Iss phone ke launch ki jaankari Xiaomi India ke head Manu Kumar Jain ne tweet ke jariye di thi. Iss Signature Edition phone ko naa sirf gold se banaya gaya hai, balki iss phone par likha hua K letter, Diamond se banaya gaya hai. Yeh ek limited edition device hain, jahaan company iss phone ki sirf 20 units hi banayegi.

Agar phone ke specs ki baat karein to iss phone mein bhi aapko wahi specs dekhne ko milte hain, jo ki Redmi K20 Pro mein diye gaye hain. Iss phone ki keemat Rs 4,80,000 hai. Haalanki yeh iss phone ki selling price nahi hai. Abhi tak company ne yeh bhi nahi bataya hai ki iss phone ko sale ke liye kab se available kiya jaayega. Lekin agar baat karein Redmi K20 aur K20 Pro ki, to yeh phone 22nd July se India mein sale ke liye available honge, jahaan users inhe Mi.com, Flipkart aur Mi Home Stores se purchase kar sakenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: