Xiaomi ne India mein Launch Ki Apni E-commerce Website – ShareSave

Xiaomi ne aaj India mein apni nayi cross-border e-commerce website launch ki, jo India se hi start ho rahi hai. Is website ki khaasiyat ye hai ki is par aapko Xiaomi ke wo ecosystem products mil sakenge, jo ab tak sirf China mein available hua karte the. In products mein Mi x Wiha Precision Screwdriver, Yeelight LED Light Bulb (Color), Soocas Sonic Electric Toothbrush X1 Lite shaamil hain.

Company ka ye e-commerce platform ShareSave, social site jaise hai, jahaan aap apne friend aur family ke saath share karke, pair karke orders karte hain to discounts bhi milenge. ShareSave platform ek Android application ke taur par launch kiya jaa chuka hai, jise is samay Google Play store se download kiya jaa sakta hai.

ShareSave platform par purchase karne ke liye three categories hain – Pair-up, Drop aur Kickstart.

  • Pair-up – Ismein aap kisi bhi friend ya family member ke saath pair karke, dono jis bhi product ko purchase karenge, us par aapko fixed discount milega.
  • Kickstart – Kickstart mode mein, Xiaomi fans kisi ek desired upcoming product ko fund kar sakte hain. Isi tarah fans ya consumers ke through agar product ki successful funding ho jaati hai aur product purchase ke liye available hota hai, to aapko aapke dwara fund kiye gaye amount ka 10-times amount aapko voucher ke form mein mil jayega.
  • Drop – Yahaan par aapko select list se ek product choose karna hai aur family aur friend ko is Drop par invite karna hai, jitney jyada members judte jayenge, utna jyada discount aapko product par milta jayega.

Saath hi company ne full local support, jaise ki doorstep delivery, after sales service ka bhi assurance kiya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: