Is Tarah Xiaomi Ne Phir Ek Baar India Mein Banaaya Guinness World Record, Ek Saath Open Kiye Itne Mi Retail Stores

Chinese tech company Xiaomi ne desh mein apne kadam kaafi samay se jamaaye huye hain. Aaye din company smartphone, home appliances, daily life se related kaafi products launch kar rahi ha. Wahin, online ke saath saath, offline market mein expand karne ke liye company kayi experience stores aur Mi Home Stores bhi open kar chuki hai. Isi ke saath Xiaomi ne India mein phir se ek ek naya record banaya hai.

Xiaomi ne rural India mein ek saath 500 Mi retail stores ek saath open kar ke Guiness Book Of World Records mein phir se apna naam darj kiya hai.

India ke andar khole gaye inn stores ko Mi Store kaha jaata hai. Yeh stores Mi Home stores ki tarah hi work karenge. Xiaomi India ke CEO Manu Kumar ne bataya inn Mi stores ko itni jyada quantity mein kholne ka main reason offline marketing ko bhadana hai. Jaha har koi Xiaomi ke best product ko experience kar sake.

Aane wale samay mein Xiaomi ne, Mi Stores ke baad Mi Home Stores ki quantity bhi bhadane ki announcement ki hai. Mi Stores kholne ka motive company na sirf sale increase karna hai balki retail stores ke dwara employment provide karna bhi hai. Jaha iss retail store ke dwara 15,000 logon ko jobs di jaaegi.

Kuch samay pehle bhi company ne India mein ek aur Guinness World Record banaya tha jaha 9,690 bulb use kar ke ek creative mosaic banaya tha. Retail stores se na sirf company ko bhadiya revenue milega balki Mi stores ki help se jyada se jyada products ko jaanne ka mouka customer ko bhi milega .

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: