Xiaomi Ne India Mein Affordable Price Par Launch Kiya Xiaomi Mi Beard Trimmer

Xiaomi ne aaj India mein lifestyle products ki category mein ek aur product, Xiaomi Mi Beard Trimmer ko launch kar diya hai. Yeh trimmer kaafi precisely design kiya gaya hai jismein self sharpening stainless steel blades aapko milte hain. Yeh trimmer waterproof body ke saath aata hai.

Trimmer par diye gaye blades non- scratching performance ke liye design kiye gaye hain. Yeh trimmer 6000 Oscillation per minute ki speed se work karta hai, jis se aapko apne according even aur accurate shape mil jaati hai. Iss trimmer ke saath aapko do beard comb milti hai.

Trimmer mein diye gaye cutter ki width 30mm hai, issi ke saath ismein aapko 40 length settings milti hai. Iske alawa iski length setting range aapko 0.5 mm se 20 mm tak mil jaati hai. Iss trimmer ko kuch iss tarah design kiya gaya hai ki aap ise beyhad aashaani se use kar sakte hain. Travel safety ke liye aapko iss trimmer mein Travel lock function mil jaata hai.

Also Read : Xiaomi Ne Launch Kiya Mi AI Translator 

Yeh trimmer poori tarah se washable hai, ise IPX7 certification diya gaya hai. Iss trimmer ko full charge hone mein 2 Hours ka samay lagta hai, jiske baad aap ise 90 minutes tak use kar sakte hain. Iske alawa sirf 10 minutes charge karne par aap ise 5 minutes tak use kar paayenge.

India mein iss Mi Beard Trimmer ko Rs 1199 ki price tag ke saath launch kiya gaya hai. Yeh trimmer Amazon.in aur mi.com websites par aaj 25th June se sale ke liye available hain. Iske alawa Mi Home stores se aap iss trimmer ko 27th June se purchase kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: