Xiaomi Ne First Time Officially Tease Kiya Mi A3 Aur Mi A3 Lite

Mi A3 ki charcha aur iske leaks to kaafi samay se saamne aa rahe hain, lekin ye pehli baar hai, jab Xiaomi ki taraf se Mi A3 aur Mi A3 Lite ka teaser saamne aaya hai. Xiaomi ke Global spokesperson Donovan Sung ne Twitter par in dono smartphones ka first official hint diya hai.

Donovan Sung ke Tweet mein Mi A2 and A2 Lite ke fans se poocha gaya hai ki kya wo next Mi A series kaa intezaar kar rahe hain. Halaanki unhone Mi A3 series ki koi detail reveal nahin ki hai, lekin rumors ke according, ye dono smartphones Snapdragon 730 aur Snapdragon 675 ke saath aa sakte hain.

Isse pehle bhi in dono smartphones ko lekar ye khabar saamne aayi thi ki ‘Bamboo sprout’ aur ‘Cosmos sprout’ code names ke under, in dono smartphones ko develop kiya jaa raha hai. Donovan Sung ke Tweet ko aap neeche dekh sakte hain.

Iske alawa ye bhi expect kiya jaa raha hai ki haal hi mein Xiaomi ki nayi launch hui Mi CC9 series ko bhi globally Mi A3 aur Mi A3 Lite ke taur par launch kiya jayega. Haal hi mein FCC par Xiaomi ka ek naya phone M1906F9SH model number ke saath nazar aaya hai aur iske kaafi specs Mi CC9 aur CC9e se milte hain.

Rumors ke according, Mi A3 mein aapko triple rear cameras, in-display fingerprint scanner mil sakte hain aur saath hi dono phone mein Android 9.0 Pie OS hoga aur next two years tak in dono Android One smartphones par aapko updates bhi milenge. Iske alawa front camera 32MP ka ho sakta hai.

Well, ab hum keh sakte hain ki coming weeks mein Mi A3 aur A3 Lite ke kaafi close leaks saamne aa sakte hain aur ye jaldi hi India mein bhi launch ho sakte hain. Filhaal to sabko next week launch hone waale Redmi K20 aur K20 Pro ka intezaar hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: