Xiaomi Ne Confirm Kiya Redmi Note 7 Ka India Launch, Strong Build Quality Ke Saath February Mein Ho Sakta Hai Launch

Xiaomi ke Managing Director Manu Kumar Jain ne Twitter par ek post kiya hai, jismein unhone likha hai, “Amazing 48MP# is coming”. Xiaomi ki taraf se Redmi Note 7, first aur abhi tak ek akela smartphone hai, jismein 48 MP ka camera hai. Iska saaf matlab hai ki India mein jaldi hi Redmi Note 7 launch hone waala hai.

Manu Kumar Jain ke is Twitter post mein sab kuch ulta likha gaya hai. Saath hi unhone first line jo likhi hai, wo hai, “We’re gonna turn this industry upside down”. Isi ke saath unhone apni image bhi ulti hi post ki hai.

Well, yahaan par phone ka naam mention nahin hai, lekin phir bhi koi doubt nahin hai ki ye phone Redmi Note 7 hi hai.

Redmi Note 7 mein iske alawa 6.3 inch ki full HD+ display, Snapdragon 660 chipset, Android 9.0 Pie OS+ MIUI 10 software, 4000mAh battery with Qualcomm Quick Charge 4+ fast charging support aur 13 MP ka front camera bhi hai.

Saath hi is smartphone mein China mein ek naya update bhi aa chuka hai, ‘Super Night Scene Mode’. Naam se aap samajh hi gaye honge ki ye low light photography ko improve karne ke liye hai.

Iske alawa Redmi Note 7 ke China launch ke baad is smartphone ke kayi durability test bhi kiye gaye hain, jinke kayi videos saamne aaye hain. Inmein is smartphone ko skating ke taur par use kiya gaya, stairs se neeche phenka gaya aur chopping board ki tarah use kiya gaya, uske baad bhi phone ko kuch nahin hua hai.  In videos ki ek jhalak aapko Sharmaji Technical ke is video mein dekhne ko mil jayegi.

Well, Redmi Note 7 ka India launch February mein kab hota hai aur kis price ke saath hota hai, ye hum aapko zaroor bataayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: