Xiaomi Ne Confirm Kiya Poco Brand Nahin Hoga Discontinue; Front Design Aur Kuch Features Ke Saath Poco F2 Ke Leaks Phir Aaye Saamne

Poco F2 ke leaks ek baar phir se market mein aane lage hain. Halaanki last month Redmi K20 aur Redmi K20 Pro ke launch ke baad, yahi maan liya gaya ki Poco F2 ki jagah inhein launch kiya gaya hai aur company Poco brand ko discontinue kar rahi hai. Lekin Xiaomi India ke Marketing Head, Anuj Sharma ne confirm kiya ki Poco brand ko discontinue nahin kiya gaya hai, jiske baad iske rumors phir se nazar aaye hain.

Xiaomi India Marketing Head, Anuj Sharma ne ek interview ke dauraan bataaya hai ki Poco brand ek separate brand hai aur independently hi use operate kiya jaata hai hai. Is brand ko discontinue nahin kiya gaya hai aur Poco ke phones aage bhi aayenge.

Unhone kaha hai ki Poco India ki team poori alag hai aur use Xiaomi India handle nahin karti hai. Filhaal company ka focus Poco F1 par hi hai kyunki consumers ab bhi is smartphone ko kharidne mein interested hain, lekin kuch samay baad Poco ke aur bhi phones aayenge.

Is baar ye leak reliable leaks dene waale Slashleaks ki taraf se aaya hai. Ismein Poco F2 ka screen protector nazar aa raha hai, jismein waterdrop notch hai aur kaafi thin bezels hain. Iske alawa Poco F2 mein is baar AMOLED display bhi mil sakti hai.

Expect kiya jaa raha hai ki Poco F1 ka ye successor, Poco F1 ke mukaable kaafi advanced features ke saath launch ho sakta hai. Snapdragon 855 chipset ko ismein milega hi, lekin iske alawa in-display fingerprint scanner, bigger battery aur triple rear cameras bhi ismein expect kiya jaa raha hai.

Halaanki iska predecessor, Poco F1 bhi ek achha aur affordable flagship phone hai aur launch ke ek saal baad bhi abhi logon mein kaafi popular hai. Is handset ki current price 17,999 INR hai. Well dekhna ye hai ki Poco F2 kis price aur kaise improved features ke saath launch hota hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: