Xiaomi Ne Launch Kiye Mi Router 4A Aur 4A Gigabit Ethernet Edition

Xioami ne china mein Mi router 4A launch kar diya hai. Company ne iss router ko 2 variants mein announce kiya hai jin mein Mi Router 4A aur Mi router 4A  Gigabit Ethernet Edition include hai. Yeh router omni-directional antennas ke saath aate hai jo ki iss router ka khaas feature bhi hai. Saath hi iss router mein aapko dual band support bhi milta hai jahan iski maximum transfer speed 1167 Mbps hai. Iss router mein error connection algorithm ka use kiya gaya hai jis ki help se yeh problem ko fix kar stable transmission provide karta hai.

 

 

Yeh router 2.4 Ghz band par 300Mbps aur 5 Ghz band par 867Mbps ki speed deliver kar sakta hai. Mi router 4A mein MediaTek MT7628DA processor use kiya gaya hai wahin iske Gigabit Edition mein aapko MediaTek MT7621A MIPS Dual Core processor milta hai, jo ki kaafi achi speed provide karta hai. Saath hi iss router mein use kiya gaye 4 antennas behtar range cover karte hain. Mi router 4A mein 64MB DDR3 RAM use ki gayi hai aur iske Gigabit Edition mein 128MB DDR3 RAM use ki gayi hai.

 

Mi Router 4A ek time par 64 devices ko aur Gigabit Edition Router 128 devices ko connect kar sakta hai. China mein Mi Router 4A ko CNY 119 (Rs 1,235 approx.) ki price par aur Mi Router Gigabit Edition ko CNY 169 (Rs 1,750 approx.) ki price par launch kiya gaya hai. Yeh router white color mein aata hai. China mein iss router ki sale 19th Match shuru ki jaayegi. Company ise jaldi hi international market mein bhi launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: