Completely Bezel-less Display, 4K HDR+ Support Ke Saath Announce Hua, Xiaomi Ka Mi TV 4 65-inch Model

Chinese manufacturer, Xiaomi ne China mein Mi TV 4 65 inch ko launch kar diya hai. Xiaomi Mi TV4 ki display poori tarah se bezel less design ki gayi hai, jo ki TV ko ek premium look deti hai. Mi TV 4 series ko sabse pehle CES 2017 mein present kiya tha, jaha iske 49, 55, 65 inch models ko reveal kiya gaya tha. Lekin China mein iske 65 inch model ko kal hi launch kiya gaya hai. Improved features ke saath ye television aapko behad slim design ke saath milega.

 

Display ki baat ki jaaye to Mi TV 4 65 inch model ko bezel less design kiya gaya hai jiski thickness sirf 7.5mm hai. Display mein aapko 60 Hrz ki refresh rate milti hai jo ki clear picture quality deliver karti hai. Yeh TV 4K HDR support karta hai. Premium look ke liye metal body hai aur behtar visual experience ke liye ye aapko 178 degree wide viewing angles ke saath milta hai.

Mi Tv 4 mein 8W ke 2 stereo speaker diye gaye hain. TV mein aapko Dolby audio aur DTS HD support bhi milta hai. Ye smart television Amlogic Cortex A53 quad-core processor par chalta hai. Iske alawa iss tv mein 2GB ki RAM aur 16GB ki internal storage bhi di gayi hai.

Mi TV 4 mein aapko AI based patchwall interface diya hai jismein kaafi per-loaded apps aati hi hain. Saath hi AI based kuch bhadiya features bhi aapko yaha dekhne ko milenge. Ismein aapko voice control remote milta hai jis ki help se aap audio command de kar bhi tv ko operate kar sakte hain.

Connectivity ke liye yaha aapko Wi-Fi, Bluetooth, 3 HDMI ports, 2 USB ports, 1 AV port, 1 ethernet port ka option diya gaya hai. Chinese market mein yeh television 28 October se sale ke liye available hoga aur iski price CNY 5,999 (approx. 63,000 INR) batayi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: