Xiaomi Ne Bhi Announce Kiya ‘Future Of Imaging Technology’ Event, Is Date Ko Company Showcase Karegi 64MP Quad Camera Phone

Haal hi mein Realme ne apna 64MP quad camera phone tease kiya hai, jismein company 64MP camera aur four rear cameras ke saath apna first smartphone launch karne waali hai. Iske thik baad, Redmi ne bhi aaj kuch aisi hi announcement ki hai. Halaanki Redmi ne yahaan phone ka jikr nahin kiya hai, lekin teaser image mein company ne clear kar diya hai ki, is event mein company 64MP camera technology ko explain karne waali hai.

Redmi is ‘Future Of Imaging Technology’ event ko China mein 7th August ko host karne karne waali hai, yaani ki Realme ke ‘Camera Innovation event’ se thik ek din pehle. Isi ke saath ye bhi expect kiya jaa raha hai ki Xiaomi, Meitu ke saath partnership mein ek new imaging laboratory bhi announce kar sakta hai.

Is nayi technology ko lekar, company ye confirm kar chuki hai ki 64MP camera phone mein quad rear cameras honge aur yahaan bhi 64MP ke camera se li gayi image ka size 20MB hoga aur better resolution aur clarity ke saath aapko 8K TV jaisi image quality milegi.

Xiaomi bhi Samsung ka hi 64MP ISOCELL Bright GW1  sensor use karne waali hai, lekin is smartphone ka naam kya hoga aur ye India mein kab launch hoga, iski abhi koi confirmation nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: