Xiaomi Ne Redmi Note 5 Pro Ko Kharidne Par Band Kiya Cash On Delivery Payment Option

Xiaomi Indian fans ke liye aaj ek achhi khabar bhi hai aur ek buri bhi. Darasal, Xiaomi ne apne most awaited Redmi Note 5 aur Redmi Note 5 Pro smartphones ko pichle mahine hi India mein launch kiya tha aur jaisa ki hum jaante hain ki kuch hi seconds mein ye dono smartphones out of stock ho gaye.

Company ki maanein to Redmi Note 5 phir bhi kuch minutes tak available tha, lekin Redmi Note 5 Pro chand seconds mein hi sold out ho gaya. Halaanki kuch customers ka kehna hai ki kayi log Redmi Note 5 aur Note 5 Pro ko flash sale ke dauraan kharid kar, uske baad in smartphones ko mehenge daamon mein bech rahe hain.

Isi ke chalte Xiaomi ne ye announcement ki hai ki wo decent customers ko smartphone kharidne ka mauka dete huye payment options mein se COD option remove kar rahe hain. Lekin ye kewal Redmi Note 5 Pro ke liye hi valid hai, other Xiaomi smartphones ko kharidne par aap COD se bhi payment kar sakenge.

Halaanki company ka ye kadam smartphone ko kharid kar dobara high rates par bechne waali problem ko solve karne ki taraf ek experiment hai, lekin isse un logon ko thodi problem zaroor hogi jo payment option mein kewal COD hi chunte hain.

Iske saath hi Xiaomi ne specified number se COD orders ko cancel karne waalon par nazar hi rakhna shuru kiya hai aur saath hi ek hi person ki multiple IDs se orders ko rokna bhi company se start kar diya hai aur aise logon ke Mi account bhi block kiye jayenge.

Xiaomi Redmi Note 5 aur Note 5 Pro ab agle week sabhi 4 color options mein available honge jismein Rose Gold aur Lake Blue colos bhi shaamil hain. Saath hi iska 6GB RAM variant bhi ab India mein available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: