Xiaomi ne Announce Kiya 60W Fast Charger, Ye Hogi Kimat

Xiaomi ke ab lagbhag sabhi phones mein fast charging support moujood hai, lekin unmein se kuch handsets ke saath aako fast charger nahin milta hai. Aaj Xiaomi ne apna naya 60W fast charger introduce kiya hai, jiski kimat lagbhag 1,500 INR hai. Ye fast charger filhaal China mein announce hua hai.

Xiaomi ke is 60W fast charger mein aapko two USB-A interfaces milte hain aur ek Type-C interface bhi moujood hai. Inmein se type-C interface se charge karne par hi aapko 60W ka output milta hai.

Iske alawa jo two USB-A ports diye gaye hain, unse aapko 45W fast charging support milega. Company ki maanein to unhone Type-C port se Apple MacBook Air ko charge kiya aur wo sirf 70 minutes mein charge ho gayi.

Xiaomi ka three ports waala charger filhaal China mein 149 yuan ke price tag ke saath available hai. Indian Rupee ke according iski cost approx. 1,500 INR hai.

Xiaomi 60W fast charger kayi tarah ke charging protocols ko support karta hai, jinmein Apple ka PD 3.0, Qualcomm Quick Charge 4.0, Quick Charge 3.0, FCP, AFC aur MTK shaamil hain. Saath hi ismein smart voltage detection feature bhi hai. Ismein diye gaye three ports ko aap ek sath use kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: