Xiaomi Ne Announce Ki Mi Charge Turbo 30W Wireless Fast Charging Technology

New technology ke saath aane wale smartphones ke liye ab unke charger bhi din par din aur bhi jayada smart hote jaa rahe hain. Iss smartness ke duaraan chargers ki charging speed bhadti jaa rahi hai aur charging time kam hota jaa raha hai, fir chahe wah wired charger ho ya wireless chargers ho. Wired chargers ki race mein companies apne 120W tak ke fast chargers ko market mein utaar chuki hai, wahin dusri taraf aaj Xiaomi ne 30W Mi Charge Turbo technology ko China mein introduce kar diya hai, jo ki ek wireless charging technology hai.

 

Xiaomi ki according yeh Mi Charge Tubro, 4000mAh ki battery ko 25 Minutes mein 50% tak charge kar sakta hai. Phone ko full charge karne mein yeh chargers sirf 69 Minutes ka time lega, jo ki wired 27W aur 20W fast chargers se jyada behtar hai. Yeh chargers two stage charge pump ko use karta hai jismein battery ko jyada efficiently, less heat production ke saath charge karna hota hai. Iss charger mein 98% conversion efficiency wali 5 layer nano-crystal receiver coil ka use kiya gaya hai. Iska kaam temperature ko control mein rakhna hota hai.

Also Read : Xiaomi Jaldi Hi Launch Karega 100w Super Fast Turbo Charging Technology  

Xiaomi ne bataya ki wah iss technology ko sabse pehle Mi 9 Pro 5G smartphone ke saath launch karegi. Itna hi nahi, yeh charger high power reverse wireless charging ko bhi support karta hai, jiski help se aap smart watches, bluetooth headsets aur electric toothbrush ko charge kar sakte hai. Company isi month ke end tak China mein Mi 9 Pro 5G smartphone ko launch kar sakti hai.

Inn sabhi ke bawjood agar aap satisfied nahi hai, to chinta mat kijiye.  Xiaomi abhi 40W wireless charging technology par bhi kaam kar rahi hai, jiske liye expect kiya jaa raha hai ki wah humein Xiaomi Mi Mix 4 smartphone ke saath dekhne ko mil sakti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: